Xabaringiz bor, birinchi ligada so'nggi ikki o'rinni zabt etganlar pulka o'yinlarida o'z omadlarini sinab ko'radi. Xususan "Lokomotiv-BFK" futbolchilari ham mana shunday saralash o'yinida ishtirok etish orqali birinchi ligadagi joyini saqlab qoladi. 24 noyabrdan start oladigan pulka bahslari oldidan klub bosh murabbiyi Sunnat Abdurasulov UFF.uz internet portaliga o'z fikrlarini bildirib o'tdi.
- Rahbariyat jamoani birinchi ligada qolishini vazifa qilib qo'ydi. Shunday ekan, biz imkon qadar pulka bahslariga boramiz va oldimizga qo'yilgan vazifani bajarish uchun kurashamiz. Pulkada oson bo'lmasligi aniq. Chunki ko'pgina boradigan jamoalarning oldiga birinchi ligaga chiqish qo'yilgan. Jumladan "Lokomotiv-BFK" ham joyini saqlab qolish uchun o'ynaydi. Endi o'yinlar oson kechmasligi aniq. Ammo, yigitlarimiz bilan buni bajarish qo'limizdan keladi, - deydi Abdurasulov.  

— deya xabar beradi uff.uz nashri.