2015 yilning 20 noyabr kuni Belarus poytaxti Minsk shahrida yunon-rim kurashi bo'yicha Olimpiada o'yinlari g'olibi Oleg Karavaev xotirasiga bag'ishlangan an'anaviy xalqaro turnir o'tkaziladi.
Mazkur xalqaro turnir Birlashgan sport kurashlari uyushmasi (UWW)ning rasmiy taqvimiga kiritilgan bo'lib, unda Belarus, O'zbekiston, Rossiya, Ukraina, Litva va Qozog'istondan kelgan polvonlar g'oliblik uchun bellashadilar.
Terma jamoamiz tarkibidan Feruz To'xtaev (-59 kg), Elmurat Tasmuradov (-66 kg), Aram Vardanyan (-66 kg), Nurbek Xolmuhammatov (-71 kg), Dilshod Turdiev (-75 kg), Nurbek Hoshimbekov (-75 kg), Jonibek Otabekov (-80 kg), Besiki Soldadze (-85 kg), Suhrob Fattoev (-98 kg), Jahongir Turdiev (-98 kg), Mo'minjon Abdullaev (-120 kg), Abrorbek Mamasoliev (-120 kg) o'rin egallashgan. Murabbiylar: Kamil Fatkullin va Rustam Kudratov.
Musobaqa hakamlari brigadasidan hamyurtimiz Qahramon Ibragimov ham o'rin olgan. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.