Osiyo Chempionalar Ligasining 2015 yilgi ikkinchi final o'yinini O'zbekistonlik hakamlar brigadasi boshqarib boradi. 21 noyabr kuni bo'lib o'tadigan OChL finalida Xitoyning “Guanchjou Evergrand” hamda Birlashgan Arab Amirliklarining “Al-Ahli” jamoalari maydonga tushadi. Ushbu o'yinda bosh hakam sifatida o'zbekistonlik FIFA referisi, to'rt bora Osiyoning eng yaxshi hakami deya e'tirof etilgan Ravshan Ermatov ishlaydi. Unga qanotlarda Abduhamidullo Rasulov hamda Jahongir Saidov yordam beradi. To'rtinchi hakam vazifasini esa Valentin Kovalenko bajaradi. Eslatib o'tamiz, 7 noyabr kuni ushbu jamoalar o'ratasidagi finalning dastlabki o'yinida hisob ochilmagan edi. 
— deya xabar beradi uff.uz nashri.