Oliy liganing ushbu mavsumdagi so'nggi turidagi "Mash'al" - "Nasaf" uchrashuvidan so'ng jamoamiz bosh murabbiyi Ro'ziqul Berdiev o'z fikrlarini bildirdi.
- Bugun muxlislar ochiq va hujumkor futbol tomosha qilishdi. Har ikkala jamoalar ham ko'plab vaziyatlarni sodir etishdi. "Mash'al" jarima zarbasidan unumli foydalandi va shuning hisobida bugun g'alabani tantana qildi. Biz bu o'yinga ko'proq yoshlarga e'tibor qildik. Ushbu bahsda asosiy tarkibimizdagi olti nafar futbolchimiz maydonga tushmadi. Mag'lubiyatga uchrashimizga shu omil ham sababchi bo'lgan bo'lishi mumkin. Yoshlarga e'tiborimizni ko'pro qaratamiz. Umumae mavsum biz uchun muvaffaqiyatli yakunlandi. Jamoamiz o'z tarixida ilk bor mamlakat kubogini qo'lga kiritdi. Shuningdek, to'qqizinchi bor bronza medallariga ega chiqdik. O'ylaymanki, jamoamiz bu yilgi mavsumda o'z oldiga qo'yilgan vazifani a'lo darajada uddaladi.
— deya xabar beradi uff.uz nashri.