O'zbekiston terma jamoasi va "Krasnodar" klubi yarim himoyachisi Odil Ahmedov bolaligidan "Paxtakor" muxlisi bo'lgani va Mirjalol Qosimovning muxlisi bo'lganini aytib o'tdi.
- O'zbekistonda ham "Zenit" va TsSKA kabi terma jamoaning bazasi vazifasini bajaradigan klub bormi?
- Barcha yoshdagi terma jamoalar tarkibini ko'rib chiqsak, ko'p futbolchilar "Paxtakor"dan ekanini ko'rish mumkin. Ortiqcha mubolag'asiz aytish mumkin, bu klub o'zbek futboli uchun poydevor vazifasini bajaradi. Kim chempion bo'lishidan qat'iy nazar, u "Lokomotiv" bo'ladimi, yoki besh yil oldin Rivaldo o'ynab ketgan "Bunyodkor"mi, baribir muxlislarning katta qismi "Paxtakor"ga ishqibozlik qilaveradi. Boz ustiga O'zbekistondagi istalgan futbol maktabida o'qiydigan bolalardan so'rang, har biri "Paxtakor"ning tarkibini yoddan aytib bera oladi! Masalan o'zim ham bolaligimda klubning barcha futbolchilarini nomma nom aytib berishim mumkin edi. Keyinchalik ularning ba'zilari bilan birga maydonga tushganimda baxtdan o'zimni ettinchi osmonda his qilganman.
- Bolalikda "Paxtakor" afsonalaridan kimga o'xshashni istar edingiz?
- Mirjalol Qosimovga! 1997 yilda u "Alaniya"dan qaytib kelgandan keyin "Paxtakor"ning uchrashuvlarini televizor orqali ko'rsatishganda Mirjalol Qosimovning o'yinini alohida e'tibor bilan tomosha qilar edim. Uning maydonni ko'rishi va o'yinni o'qishidan hayratga tushardim. Yana jarima zarbalari ajoyib edi, to'pni qanday tepmasin, albatta gol bo'lardi! Keyinchalik Qosimov bilan terma jamoada elkama elka turib ishladik. Babayan kelgunga qadar u 3 yil davomida terma jamoani boshqardi. O'sha vaqtlarda Mirjalol Qo'shoqovich menga jarima zarbalarini bajarishni ham topshirgan. Bu ishni alohida e'tibor bilan bajarishimni sezgan shekilli.
— deya xabar beradi uff.uz nashri.