Xorvatiya terma jamoasi va "Barselona" klubi yarim himoyachisi Ivan Rakitich o'smirlik chog'ida "Chelsi" va "Yuventus"dan tushgan takliflarni rad etganini so'zlab berdi.
"Men uchun faoliyatim bir maromda, qadamba qadam rivojlanishi juda muhim edi. Men avvalo "Bazel"ning asosiy jamoasiga o'tib olishni o'ylaganman. O'shanda me n 16 yoshda edim va shu sababga ko'ra "Chelsi" va "Yuventus"dan tushgan takliflarni rad etganman. Men oilam oldida qolishni ma'qul ko'rgan edim.
Balki bu qaror atrofdagilar uchun eng yaxshisi bo'lmagandir, ammo men uchun eng to'g'risi edi. O'shanda bir narsani tushunib turgan edim, pul vaqti kelib albatta paydo bo'ladi. "Bazel"da men bilan birga o'ynagan bir yigit bor edi, o'shanda u katta klublar taklifiga rozi bo'lgan. Hozir esa Shveytsariyaning to'rtinchi divizionida o'ynamoqda.
Men Slaven Bilich tufayli Angliya chempionatini juda yaxshi ko'raman. U bilan Xorvatiya terma jamoasida birga ishlaganmiz. Ammo "Barselona"da o'zimni baxtli his qilmoqdaman", - deydi  Rakitich.
— deya xabar beradi uff.uz nashri.