Portugaliya terma jamoasi va «Real» klubi etakchisi Krishtianu Ronaldu yangi qimmatbaho «o'yinchoq»ga ega bo'ldi. Portugaliyaning Correio da Manha tabloidida yozilishicha, SR7 o'ziga maxsus sovg'a tariqasida Gulfstream G200 samolyotini sotib oldi.
30 yoshli futbolchining shaxsiy mulkiga aylangan ushbu layner biznes-klass toifasiga mansub, uni isroillik muhandislar ishlab chiqarishgan. Samolyot 8-10 nafar kishiga mo'ljallangan bo'lib, barcha qulayliklarga ega. Deylik, Gulfstream G200da Parijga ham, Londonga ham qo'nish birdek faxrli hisoblanadi. Endi Sovsport.ru sayti ma'lumotlari asosida Ronaldu samolyotining e'tiborli jihatlariga bitta-bitta to'xtalib o'tamiz.
Umumiy ma'lumot
6301 kilometr - bu samolyot bitta parvoz davomida bosib o'tishi mumkin bo'lgan maksimal masofa. Soatiga 900 kilometr tezlikda uchgan taqdirda, shuncha yo'lga atigi 7 soat vaqt ketadi. Parvozning maksimal balandligi esa,  13716 metrga teng. Samolyot 2ta kamxarj dvigatel bilan jihozlangan bo'lib, ular yiriklashtirilgan shatak (tyagach), shuningdek, raqamli nazorat qurilmasiga ega. Asosiysi, Gulfstream G200dan qisqa uchish-qo'nish maydonchalari bor kichik aerodromlarda ham bemalol foydalanish mumkin.
Salon
Gulfstream G200da charter reyslarni amalga oshirish uchun 2 kishilik ekipaj kifoya qiladi. Salon juda keng va shovqin darajasi g'oyat past. Bu narsa qulaylikni yuqori darajaga ko'taradi. Charm o'rindiqli salon ichidavannaxona va kiyim almashtirish kabinasi ham bor. Zarurat tug'ilgan vaqtda suhbatlashish (deylik, muzokara olib borish) uchun 4 kishilik joy hozirlash imkoniyati mavjud. Buning uchun kreslolar salgina surilsa, bas.
Oshxona
To'liq o'lchamli oshxonada ham barcha qulayliklar mavjud. Uchish vaqti bemalol issiq taomlar tayyorlash va ularni tanovul qilish imkoniyati bor. Umuman, oshxona bug'lama shkaf, mikroto'lqinli pech va qahvamashinabilan jihozlangan. Bundan tashqari, oldindan restoranlar taomnomasiga kiritilgan qaysidir ovqatga buyurtma berish mumkin.
Yukxona (bagaj)
Ushbu toifaga mansub samolyotlar ichida eng katta yukxona bo'lmasiga ega. Harqalay, u erga futbolchining barcha «Oltin to'p»lariyu, sovrinlaribemalol sig'ishi aniq.
Davomi InterFUTBOL gazetasi blogida.
— deya xabar beradi uff.uz nashri.