«So'g'diyona» — «Buxoro» (2:3) uchrashuvidan keyingi matbuot anjumanida dastlab mezbonlar ustozi Davron Fayziev qatnashdi.
-    Avvalambor bizga ohirigacha ishonch bildirgan muxlislarimizga rahmat aytaman. Bugungi o'yindagi gollarda futbolchilarda bosim kuchli ekani sezilib qoldi. Hozir barcha darvozabon aybdor deyayotgan bo'lishi mumkin. Yo'q , men qo'shilmagan bo'lardim.
Bu erda futbolchini mahoratini tan olish kerak. Tan olaman bugun mag'lubiyatga uchradik. Garchi mag'lubiyatga uchrayotgan bo'lsakda, ochiq o'yin ko'rsatishda davom etdik. Muxlis stadionga kirganidan keyin futbol tomosha  qilishni hohlaydi. Lekin unga shu o'yingacha bo'ladigan qanchadan qancha mashaqqatli mehnatlar, orada uchraydigan muammolarning qizig'i yo'q. Bu yil og'ir yo'lni bosib o'tdik. Bir narsani yana qaytarib aytaman: Jizzaxda futbol bo'lgan va bundan keyin ham bo'ladi. 
Jamoamizning 45 yilligi uchunam bugun g'alaba qozinishimiz shart edi. Darvozabonni almashtirishimga sabab – u ruhan sinib bo'lgandi ikkinchi goldan so'ng. Biz uchun mavsum tugagani yo'q. Kurash davom etmoqda. 25 noyabr kuni Olmaliqda “Oqtepa” jamoasi bilan juda muhim uchrashuv kutayapti bizni. Hakimlar haqida gapirishga haqqim yo'q. Bu mening vakolatimga kirmaydi. Lekin uchrashuv yakunlangan ularga bugungi o'yin uchun minnatdorchilik bildirdim xolos.

— deya xabar beradi uff.uz nashri.