«Navbahor» va «Lokomotiv» jamoalari o'rtasidagi uchrashuv yakunlangach o'tkazilgan matbuot anjumanida har ikki jamoa bosh murabbiylari OAV vakillarining savollariga javob qaytarishdi.
Baxtiyor Ashurmatov («Navbahor» jamoasi bosh murabbiyi): - Bugungi o'yin muxlislarga manzur bo'ldi. Ular so'nggi daqiqalargacha hayojonda o'tirishdi. Afsuski, shunday chiroyli o'yinimizni oxirgi uch daqiqada o'tkazib yuborilgan gol yuvib ketdi. Buning oqibatida alamli mag'lubiyatga uchradik. Maydonda chiroyli o'yin ko'rsatganliklari uchun har ikki jamoa a'zolariga minnatdorchilik bildirib o'taman. Uchrashuv yakuniga etgach, yigitlarga ham namoyish etgan o'yinlari uchun tashakkur bildirib o'tdim. Valijonov yomon o'yin ko'rsatgani yo'q.
Raqib himoyachilarini tahlikada ushlab turdi. Bahs oxirlarida «Lokomotiv» futbolchilari markazdagi ustunlikni qo'lga olishdi. Shu sababli, markazda jiddiy qarshilik ko'rsatish maqsadida Alisher Mahmudovni maydonga tushirgandik. Afsuski, uchrashuvning yakuniy qismi kutganimizdek tus olmadi.
— deya xabar beradi uff.uz nashri.