"Real" va "Barselona" o'rtasida kechadigan klasiko bahsida asosiy tarkibda maydonga tushadigan futbolchilar nomi ma'lum bo'ldi.
"Barselona" tarkibida Lionel Messi zaxirada qolgan. Quyida jamoalar tarkibi bilan tanishib olishingiz mumkin.
Ispaniya chempionati
12-tur
"Real" – "Barselona" - 0:4 (tugadi)
Gollar: Suares 11, Neymar 39, Inesta 53, Suares 74
Real – Navas, Varan, Marselo (Karvaxal, 59), Danilo, Ramos, Xames (Isko, 55), Kroos, Modrich, Beyl, Ronaldu, Benzema.
Barselona – Bravo, Pike, Alba, Dani Alves, Rakitich (Messi, 57), Buskets, Inesta, Maskerano (Mate, 27), Serdji Roberto, Neymar, Suares.
Ogohlantirishlar:   Xames (23), Dani Alves (31), Ramos (51).
1' O'yin boshlandi.

2' Serxio Ramos Luis Suaresga nisbatan qo'pollik ishlatdi.
4' Marselo ikki marta o'z qanotidan to'pni etkazib berishga harakat qilib ko'rdi. Samarasiz
7' Kataloniyaliklar ajoyib hujum tashkil qildilar. Neymar to'pni Suaresga etkazib bergan edi, ammo uning zarbasi to'sin ustidan o'tib ketdi.
9' Xavfli vaziyat. Ronaldu birga bir vaziyatda Maskeranoni qiyinchiliksiz ortda qoldirdi va darvoza tomon zarba berdi. Bravo o'z joyida va xavf ortda qoldi.
11' Goooll. Suares!
11' Serxio Roberto markaz tomon o'tib borib, Suaresni to'p bilan ta'minladi. Urugvaylik hujumchining bu safargi zarbasi aniq va tiniq bo'ldi. 0:1
14' Inestaning darslikka qo'llanma bo'lishga arziydigan oshirmasidan so'ng tashkil etilgan hujumni Rakitich osmonu falakka yo'llagan zarbasi bilan barbod qildi.
18' Beylning oshirmasidan so'ng Ronaldu hujumda qo'pollik qilishga majbur bo'ldi. "Real"ning o'yini hozircha uncha o'xshamayapti.
22' Xames Rodriges Neymarga qo'pollik qilgani uchun ogohlantirildi.
25' "Barselona" ikkinchi golni urishga juda yaqin kelgan edi. "Real" himoyasi ko'p xato qilmoqda va Serxio Roberto yaqin masofadan to'pni darvoza ustidan o'tkazib yuborishning "uddasidan" chiqdi. Balki unga Varan halal bergani yoqmagandir...
27' Maskeranoning jarohati jiddiy shekilli. Uning o'rniga Mate maydonga tushirildi.
29' Xames 20 metrlardan zarba berdi. Bravo qiyinchilik bilan bo'lsada uni bartaraf etishga muvaffaq bo'ldi.
32' Dani Alves ham nihoyat sariq kartochka bilan "ko'rishish"ga "muvaffaq bo'ldi". Odatda u klasiko bahslarida ogohlantirilmasa ko'ngli joyiga tushmaydi.
38' Benzema o'ta xavfli vaziyatni qo'ldan boy berdi. Bravo ham "chakki" emas, "Barsa"ning baxtiga uning qo'pol xatosi golga olib kelmadi.
39' Gol! Neymar
39' Inesta "Real"ning ikki himoyachisini dog'da qoldirib, Neymarni to'p bilan ta'minladi. Braziliyalik hujumchi ortiqcha muammosiz darvozani nishonga oldi. 0:2
42' "Barsa"ning yana bir xavfli hujumini Varan qaytarib qoldi. Suaresga o'yin bermadi u.
45' Neymar va Suares "Real"ning butun himoyasini darvozabon Navasga qo'shib aldab tashlashdi va urugvaylik hujumchi bo'm-bo'sh qolgan darvoza tomon zarba berdi. Ammo qaerdandir paydo bo'lgan Marselo bu zarbani qaytarishga muvaffaq bo'ldi. Hozircha u qahramon!
45+2' Birinchi bo'lim tugadi.
46' Ikkinchi bo'lim boshlandi.
48' Beylning uzoq masofadan yo'llagan zarbasi yuqorilab ketdi.
53' Gol! Inesta.
53' Neymar tovon bilan to'pni Inestaga oshirdi. Andres esa kuchli zarba bilan jamoasining uchinchi golini kiritdi. 3:0
56' Kutib oling, Lionel Messi! Rakitichning o'rniga Messi maydonga tushdi. Endi nima bo'larkan?
64' Karvaxal "Barselona" darvozasiga zarba berishga urinib ko'rdi. Ammo muvaffaqiyatsiz.
68' Ronaldu birga bir vaziyatdan gol ura olmadi! Bunaqada "Real" biror narsani o'zgartirishi qiyin. Bravoga esa bravo!
71' Ronaldu endi o'yindan tashqari holatdan ham gol ura olmadi. Omadsizlik bo'lsa, shunchalik bo'lar...
74' Gol! Suares.
74' Ronaldu eplay olmagan ishni Suares ajoyib tarzda uddaladi. Birga bir vaziyatdan foydalanish mana bunday bo'ladi, 0:4.
81' Benzemaning bosh bilan bergan ajoyib zarbasini Bravo undan-da qolishmaydigan ajoyib seyv bilan bartaraf etdi.
84' Isko nimalar qilmoqda?! U Neymarga qarshi o'ta qo'pol o'ynadi va bunga qizil kartochkadan boshqa jazo bo'lmasa kerak. Isko chetlatildi!
87' Benzemaning o'yini sal o'ziga o'xshamoqda. Ammo uning zarbasi etarlicha aniq va kuchli bo'lmadi.
89' Ronalduning kuchli zarbasini Bravo bartaraf etdi.
90+3' O'yin tugadi. Hammaga omad!

— deya xabar beradi uff.uz nashri.