Bugun milliy chempionatimizning navbatdagi mavsumi ham nihoyasiga etadi. Joriy yilgi oliy liga o'yinlari ancha qiziqarli tus oldi. Kutilmagan natijalar, finish arafasida intriganing ortishi, bahslardagi qizg'inlik... O'z navbatida, bu yil bir qator futbolchilar o'zlarining ijobiy sifatlarini ko'rsatishga ham ulgurdilar. Ularning ayrimlari o'z nomlarini o'zbek futboli muxlislariga allaqachon tanitib ulgurgan bo'lishsa, boshqalari mavsum kashfiyotiga aylanishdi. Kimdir to'purarlik qobiliyatini namoyish etdi, yana kimlardadir yoshlik shijoati ustunlik qildi. Natijada, bu futbolchilar namo­yish etgan o'yinlar e'tirofga loyiq ko'rildi.
Bahriddin VAHOBOV («Qizilqum»)
So'nggi yillarda milliy chempionatimizda to'p-urar hujumchilar tan­qis ekani ko'p va xo'p gapirildi. Forvardlar muammosi asosiy mavzulardan biriga aylandi. Joriy mavsumdagi ko'rsatkichlar oldingi chiziq vakillari o'zlarining manzillariga yog'dirilgan tanqidlardan to'g'ri xulosa yasashganiga ishora. «Qizilqum» a'zosi Bahriddin Vahobov uchun mavsum muvaffaqiyatli tarzda kechdi. To'g'ri, u hali oliy liga to'purarligini rasman qo'lga kiritmadi, lekin urgan gollari bilan barchaning hayratini oshirdi. Mahoratli forvard o'tgan mavsumda jarohati bois ishonchli o'ynay olmagandi. Mana, bu yil u ancha ochildi. So'nggi tur arafasida chempionatda kiritgan to'plari soni 21tani tashkil qilmoqda. Uning ijrosidagi «xet-trik»lar guvohiga aylandik. Xullas, Vahobov to'purarlik qobiliyatini yo'qotmaganini barchaga isbotladi.
Sanjar ShOAHMEDOV («Lokomotiv»)
Ancha vaqtdan beri mazmunli va chiroyli o'yinlari bilan o'sib kelayotgan futbolchilardan yana biri. «Lokomotiv»ga o'tishi uning qanday salohiyatga ega ekanini ko'rsatdi. Sanjar bugungi kunda «Loko» etakchilaridan biriga aylangan. Maydonni ko'ra olish qobiliyati va sheriklarini chiroyli «pas»lar bilan ta'minlashi maqtovga loyiq. Shoahmedov gol urish bobida ham hujumchilardan aslo qolishmadi. Endigina 25 yoshni qarshi olgan yarim himoyachining milliy terma jamoa yig'inlariga taklif etilayotganligi uning klubda munosib ishtirok etayotganidan dalolat. Sanjarning ochilishida Abramovning ham munosib hissasi bor. Vadim Karlenovich uning iqtidorini o'z vaqtida payqab, Shoahmedovni «Loko»ga taklif etdi. OChL va ichki chempionatda muntazam ravishda maydonga chiqarib, o'yin uslubini say-qallantirib bordi.
Eldor ShOMURODOV («Bunyodkor»)
Eldor Shomurodov - shubhasiz, mavsum kashfiyotlaridan biri.
Davomi InterFUTBOL gazetasi blogida.
— deya xabar beradi uff.uz nashri.