Madridning "Real" klubi sardori Serxio Ramos klasiko bahsida "Barselona"dan uchralgan mag'lubiyat (0:4) haqida fikrlarini bildirdi.
"Bugun biz muxlislardan kechirim so'rashimiz kerak. Biz "Real"ga mos saviyada o'ynay olmadik. Bunday holat uchrab turadi. Umid qilamanki, biz buni ortda qoldira olamiz. Umid qilamanki, biz mag'lubiyat alamini keyingi klasiko bahsida olinadigan qasosga aylantira olamiz.
Hozir gapirganing bilan ma'no yo'q. "Real" gapirishni emas, amalda ko'rsatishni istaydi. Bizda vaziyatni o'nglash uchun 6 oy vaqt bor. "Real" singani haqida gapirishga hali erta. Oldinda uzoq yo'l kutib turibdi. Biz 10 ochko oldinda boraturib chempionlikni boy bergan vaqtlarimiz bo'lgan. Yoki aksincha, 10 ochkolik farqni yo'qqa chiqarib, g'olib chiqqanmiz.
Tarkib haqida nima deyish mumkin? Murabbiy shunday qarorga keldi. Tarkib borasida gap ketar ekan, hammasini u hal qiladi", - deydi himoyachi.
— deya xabar beradi uff.uz nashri.