Madridning "Real" klubi himoyachisi Serxio Ramos elkasidagi jarohatini davolatishga qaror qildi.
Xabar qilinishicha, madridliklar sardori uch haftdan to'rt haftaga qadar maydonga tusha olmasligi kutilmoqda. Shu bilan birga Ramos yangi yilga qadar uchrashuvlarda ishtirok etmasligi ham mumkin.
Ramos elkasini operatsiya qildirmaslikka qaror qilgan. U odatiy davolanish uslubini ma'qul ko'rmoqda. Eslatib o'tamiz, himoyachi sentyabrda jarohat olgan va o'tgan vaqt davomida olti marta og'riq qoldiradigan ukol bilan o'ynagani tufayli jarohatini og'irlashtirib olgan.
Serxio Ramos eng muvaffaqiyatli holda davolangan taqdirda ham "Real"ning kelgusi 8 o'yinini o'tkazib yuboradi. Shulardan 4 tasi Ispaniya chempionati, ikkitasi EChL va yana ikkitasi Ispaniya Kubogiga tegishli.
— deya xabar beradi uff.uz nashri.