Mamlakat milliy chempionatida yuzaga kelgan tanaffus paytida o'yin amaliyotiga ega bo'lish uchun "Metallurg" jamoasi 10 oktyabr kuni poytaxtda “Lokomotiv”ga qarshi nazorat uchrashuvini o'tkazadigan bo'ldi. Bu ko'rik o'yini soat 16:00 da Toshkent temir yo'llari muhandislik instituti stadionida bo'lib o'tadi. Ayni paytda bekobodliklar Chirchiq shahrida mashg'ulotlarni davom ettirishyapti. Futbolchilarning barchasi sog'-salomat. Jarohat olgan o'yinchilar ham salomatliklarini tiklab, yig'inda faol qatnashishmoqda. Faqatgina nazorat uchrashuvida O'zbekiston Olimpiya terma jamoasidan yig'inga chaqiruv olgan himoyachi Javlon Mirabdullaev hamda hujumchi Shohnazar Norbekovlar ishtirok eta olishmaydi. 
— deya xabar beradi uff.uz nashri.