Mavsumning ikkinchi yarmida "Buxoro" tarkibida to'p surgan va jamoani Oliy ligada olib qolishga hissa qo'shgan Aziz Ibragimov "Futbol sharhi" ko'rsatuvida yangi jamoaga o'tishi mumkinligini inkor etmadi. Eslatib o'tamiz, Aziz Ibragimov birinchi davrada "Dinamo" sharafini himoya qilgan va ikkinchi davradan "Buxoro"ga o'tgan edi.
- "Buxoro" bilan shartnomangiz yakuniga etdi. Kelasi mavsum ham Buxoroda qolasizmi yoki boshqa jamoaga o'tasizmi?
- Hozir bir narsa deya olmayman. Mavsum yakuniga etdi va men ta'tilda oilam bilan dam olmoqchiman. Keyin nima bo'lishi haqida yangi yilda yangilik bo'lib qoladi, - deydi Ibragimov.
Eslatib o'tamiz, Ibragimov "Dinamo"dan ketgach, samarqandliklar rasmiy saytida futbolchiga xorijdan taklif tushgani bois shartnomaga muvofiq ketgani aytilgan edi. Ammo yarim himoyachi mavsumning qolgan qismini xorijda emas, "Buxoro"da o'tkazgan.
— deya xabar beradi uff.uz nashri.