Madridning “Real” klubi prezidenti Florentino Peres maxsus matbuot anjumanida bosh murabbiy Rafael Benitesni qo'llashini bildirdi. "Bizning “Real” murabbiyi Rafael Benitesga bo'lgan ishonchimiz so'nmagan. Biz uni qo'llab-quvvatlashda davom etamiz. Men muxlislarning holatini yaxshi tushunaman. Ammo, fikrimcha, hozir aql bilan birgalikda ish ko'rishimiz lozim. Muxlislardan jamoa va futbolchilarni qo'llab-quvvatlashlarini so'rab qolaman. Ha, “Real” “Barselona”ga qarshi yomon o'ynadi. Ammo, bu o'yinchilarimizning futbolga bo'lgan munosabatiga bog'liq emas. O'z navbatida muxlislarimizning talab istaklarini hurmat qilaman va tushunaman. “Real”ning muxlislari juda talabchan. O'yinga qanlay tarkibni tushirishni esa murabbiy hal qiladi. “Real”ning murabbiylar shtabi a'zolari har doim tarkibda kimni tushirishni doim mustaqil ravishda hal qilishgan“, – deydi Peres.
— deya xabar beradi uff.uz nashri.