Kuchli beshlik chempionatlarida mavsum ayni qizg'in pallasiga kirib bormoqda. Biz Italiya, Ispaniya, Angliya, Germaniya va Frantsiya chempionatlaridagi eng sermahsul hujum juftliklari haqida to'xtalib o'tamiz.
9-12. Olive Jiru + Aleksis Sanches (“Arsenal”) = 13 gol
“Kanonirlar”ning ikki futbolchisi hozircha umumiy hisobda 13 ta gol urishdi. Frantsiyalik Jiru 7, Chililik Sanches esa 6 ta golga mualliflik qilgan. Ushbu juftlik “Manchester Siti”, “Manchester Yunayted”, “Liverpul” va “Chelsi” duetlarini orqada qoldirmoqda.
9-12. Eder + Luis Muriel (“Sampdoriya”) = 13 gol
“Sampdoriya” hujumchisi Eder “A” seriyada 9 marta raqib posbonlarini ranjitgan bo'lsa, uning sherigi Luis Muriel 4 ta gol kiritgan. Genuyaliklar Italiya chempionatida kamtarona 12-o'rinda borishmoqda.
9-12. Nolito + Yago Aspas (“Selta”) = 13 gol
Vigoliklar ushbu mavsumni judayam ko'tarinki ruhda boshlashdi. Nolito 7, Yago Aspas esa 6 ta gol urdi. “Selta” ushbu hujumchilarning xizmatlari evaziga 5-o'rinni egallab turibdi.
9-12. Xatem Ben Arfa + Valer Jermen (“Nitstsa”) = 13 gol
Frantsiya chempionatida 4-o'rinda borayotgan “Nitstsa” klubining ikki hujumchisi hisobida ham 13 ta gol mavjud. Xatem 7 va Valer 6 marta darvozalarni aniq nishonga olishgan.
Davomi Furqat Yusupov blogida.
— deya xabar beradi uff.uz nashri.