Garchi Samarqandda tug'ilgan bo'lsada, faoliyatining asosiy qismini Qarshining «Nasaf» klubida o'tkazgan Ilhom Yunusov maydonda borini berib o'ynashga tayyor futbolchilardan sanaladi. Mehnatkash yarim himoyachi biz bilan suhbatlashar ekan, erishgan muvaffaqiyatlari, kamchiliklari va to'p surgan jamoalaridagi muxlislari haqida gapirib berdi.
- «Dinamo» mavsumni ko'ngildagidek o'tkaza olmadi. Sizningcha, Samarqand klubining ijobiy natija qayd etishiga nima to'sqinlik qildi?
- Jamoa mavsumni yangi tarkib bilan boshladi. Ikkinchi sabab esa omad bilan bog'liq. Vaholanki, klubda hamma shart-sharoitlar muhayyo, muammolar deyarli yo'q.
- Shunday murakkab vaziyatlarda jamoa sardori sheriklarini qanday ruhlantirishi kerak?
- To'g'ri, «Dinamo» sardorligini menga topshirishdi. Bunday sharafli maqom barchaga ham ravo ko'rilavermaydi. Jamoamizga qo'limdan kelgancha yordamlashdim.
- «Dinamo»ga qaysi raqib ko'proq noqulaylik tug'dirdi?
- Ayni damda raqib tanlashga haqqimiz yo'q, chunki hozir og'ir ahvoldamiz. Faqat 100 foizli natija uchun o'ynashimiz kerak.
- Qaysi futbolchini ideal deb bilasiz?
- O'smirlik paytimda Zayniddin Zidanning o'yinlaridan zavq olardim.
- Oila a'zolaringiz o'yinlaringizni kuzatgani stadionga tashrif buyurishadimi?
- Albatta, deyarli barcha uchrashuvlarga kelishadi. Ularning stadionda borligi menga ruhiy dalda beradi.
- Muvaffaqiyatlaringiz va o'z navbatida, kamchiliklaringiz haqida gapirsangiz.
- Yutuqlarimni faqat mehnatlarim yakunida sarhisob qilaman. Kamchiliklarimga to'xtalsam, deyarli har bir o'yinda ularni bartaraf etishga intilaman.
- Bu o'yingiz pastligi o'yin paytida pand berganmi?
- To'g'ri, bo'y masalasida qiyinchilikka uchrayman. Lekin shuni unutmaylikki, Lionel Messi ham shunday bo'yga ega bo'la turib 5 marta «Oltin to'p»ga ega chiqqan.
Davomi InterFUTBOL gazetasi blogida.
— deya xabar beradi uff.uz nashri.