O'zbekiston olimpiya terma jamoasi bosh murabbiyi Viktor Jalilov kelgusi yili Qatarda bo'ladigan Osiyo chempionatiga tayyorgarlik ko'rish maqsadida ertadan olimpiyachilarning navbatdagi yig'inini o'tkazadi. Olimpiya terma jamoasi tarkibiga Bekobodning “Metallurg” jamoasidan ikki nafar o'yinchi chaqirildi. Bular mavsumni bir tekis o'tkazib kelayotgan hamda milliy terma jamoa murabbiylari nazariga tushib ulgurgan himoyachi Javlon Mirabdullaev hamda so'nggi turlarda to'purarlik qobiliyatini namoyish etayotgan hujumchi Shohnazar Norbekovlardir. Toshkentda bo'lib o'tadigan yig'in 13 oktyabrga qadar davom etadi. Osiyo chempionati boshlanguniga qadar V.Jalilov dekabr oyida BAA maydonlarida yana ikkita yig'in tashkil etishni rejalashtirmoqda. Ular 2-14 hamda 17-28 dekbar kunlari Dubay shahrida bo'lib o'tishi ko'zda tutilgan.

Olimpiyachilarimiz ustozi Toshkent yig'iniga quyidagi futbolchilarni chaqirdi:

Darvozabonlar – Asilbek Omonov ("Qo'qon-1912"), Abukarim Muhammedov ("Bunyodkor"), Javohir Ilyosov ("Mash'al").

Himoyachilar – Boburbek Yo'ldoshev ("Lokomotiv"), Javlon Mirabdullaev ("Metallurg"), Maksimilian Fomin ("Buxoro"), Diyor Turopov ("Olmaliq"), Abdulloh Alimov ("Andijon"), Hasan Asqarov ("Dinamo")

Yarim himoyachilar – Otabek Shukurov ("Buxoro"), Jahongir Abdumo'minov ("Olmaliq"), Nikita Pavlenko ("Olmaliq"), Jaloliddin Masharipov ("Paxtakor"), Doniyor Usmonov ("Qo'qon-1912"), Ikrom Aliboev ("Lokomotiv"), Quvondiq Ro'ziev ("Qo'qon-1912"), Jamshid Iskanderov ("Paxtakor"), Timur Hakimov ("Oq-Tepa"), Vladimir Kozak ("Paxtakor").

Hujumchilar – Jasur Hakimov ("So'g'diyona"), Shohnazar Norbekov ("Metallurg"), Xolmurod Xolmurodov ("Mash'al").
— deya xabar beradi uff.uz nashri.