O'zbekiston terma jamoasining sobiq hujumchisi Anvar Soliev futbolchilik faoliyatini yakunladi. Bu haqda "Oriyat Dono" radiosining "Maydon markazida" radioshousida ma'lum qilindi.
Aytish joizki, bu ma'lumotni "Paxtakor" klubi matbuot xizmati xodimlari ham tasdiqlashdi.
"Anvar Soliev butun mavsum davomida bu chempionat faoliyatidagi oxirgisi bo'lishini aytib keldi. Klub unga xayrlashuv uchrashuvi tashkil etishni rejalashtirgan", — dedi klub matbuot kotibi Behzod Nazarov.
Eslatib o'tamiz, Soliev Oliy liganing so'nggi o'yinida "Andijon" klubiga qarshi uchrashuvda (6:0) jamoasining gollaridan biriga mualliflik qilgan va chempionlikka o'zining hissasini qo'shgan edi.
Anvar faoliyati davomida 12 bor O'zbekiston chempioni va 9 marta O'zbekiston Kubogi sohibi bo'lgan.
Bu borada u mutloq rekordchi hisoblanadi.
— deya xabar beradi uff.uz nashri.