AQShning Xyuston shahrida og'ir atletika bo'yicha kattalar o'rtasida o'tkazilayotgan jahon chempionatida yana bir yurtdoshimiz Muattar Nabieva bahslarda ishtirok etdi.
Og'irlik vazni 58 kg.gacha bo'lgan sportchilar musobaqasining “V” guruhida bahslarga kirishgan iste'dodli sportchimiz dast ko'tarishda 90 kg., siltab ko'tarishda esa 107 kg. toshni o'ziga bo'ysintirdi va umumiy 197 kg. natija bilan 19-o'rinni egalladi.
Bugun terma jamoamizning yana bir vakili Muhammad Begaliev (-85 kg) bahslarga kirishadi. “S” guruhidan o'rin olgan sportchimiz Toshkent vaqti bilan soat 22:30da bahslarni boshlaydi.
Eslatib o'tamiz, bugunga qadar to'rt nafar hamyurtimiz bahslarda ishtirok etdilar. Jahon chempionatida jami 12 nafar yurtdoshimiz Vatanimiz sharafini himoya qilishyapti. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.