O'zbekiston terma jamoalari texnik direktori Deyan Jurjevich Janubiy Koreya olimpiya terma jamoasining Avstraliyaga qarshi o'rtoqlik uchrashuvlarini tomosha qilish uchun jo'nab ketdi.
O'zbekiston olimpiya terma jamoasining kelasi yilning yanvar oyida bo'lib o'tadigan Osiyo chempionatidagi raqibi — Janubiy Koreya avtraliyaliklarga qarshi ikkita o'rtoqlik uchrashuvi o'tkazadi. Dastlabki uchrashuv 9 oktyabr kuni bo'lib o'tsa, jamoalar o'rtasidagi ikkinchi o'yin 12 oktyabrda o'tkaziladi.
Eslatib o'tamiz, O'zbekiston olimpiya terma jamoasi Qatarda o'tkaziladigan Osiyo chempionati final bosqichida "S" guruhidan o'rin olgan. Guruhda Jalilov shogirdlariga Yaman, Iroq hamda Janubiy Koreya terma jamolari raqib bo'ladi.
— deya xabar beradi uff.uz nashri.