Londonning «Chelsi» jamoasini 110 yillik tarixi mobaynida 34 ta murabbiy boshqargan. Biz ana shu murabbiylarning natijalari va qo'lga kiritgan yutuqlariga asoslanib «aristokratlar» tarixidagi eng kuchli murabbiylar beshligini tuzib chiqdik. Quyidagi maqolada ana shu reyting bilan tanishishingiz mumkin.
5. Ted Dreyk (Angliya)
Boshqargan davri: 1952-1961
Natijasi: 424 o'yin, 156 g'alaba, 103 durang, 165 mag'lubiyat. To'plar nisbati: 771-772
Yutuqlari: Angliya chempioni (1), Angliya superkubogi (1)
Dreykning nomi «Chelsi» tarixidan zarhal harflar bilan joy olishiga u klubni ilk marotaba Angliya chempioni qilganligi sababdir. Ted 1955 yili «ko'klar»ni mamlakat chempioni qilgan va superkubokda ham jamoa bilan muvaffaqiyatga erishgan. Dreyk 9 yil davomida klubni boshqargan va uning statistik ko'rsatkichi u qadar yaxshi emas. Zero jamoa uning davrida g'alabalardan ko'ra mag'lubiyatlarni ko'proq qayd etgan, buning ustiga urilgan gollardan, o'tkazib yuborilgan gollar ham ko'p. Biroq baribir Ted klub tarixidagi eng yaxshi murabbiylardan biri bo'lib qolaveradi.
4. Karlo Anchelotti (Italiya)
Boshqargan davri: 2009-2011
Natijasi: 109 o'yin, 67 g'alaba, 20 durang, 22 mag'lubiyat. To'plar nisbati: 241-94.
Yutuqlari: Angliya chempioni (1), Angliya kubogi (1), Angliya superkubogi (1)
Anchelotti davrida Londonliklar haqiqiy hujumkor jamoaga aylanishdi. Karlo ota «Chelsi»ni 2 yil davomida boshqarib bordi va 1 martadan mamlakat chempionligi, kubogi va superkubogini qo'lga kiritdi. Afsuski u «aristokratlar» bilan Chempionlar ligasida muvaffaqiyat qozona olmadi. Shu bois ham Anchelottining davri uzoqqa cho'zilgani yo'q.
Davomi Furqat Yusupov blogida.
— deya xabar beradi uff.uz nashri.