Osiyo Futbol Konfederatsiyasi so'nggi to'rt yillikdagi xalqaro natijalar asosida qit'amizning klublar o'rtasidagi yangi reytingini e'lon qildi. Unga ko'ra, Toshkentning “Bunyodkor” jamoasi Osiyo qit'asining klublar reytingida umumiy hisobda 12-pog'onani band etib turibdi. O'zbekiston klublari orasida esa “qaldirg'ochlar” eng yaxshi ko'rsatkich – birinchi o'rinni egallab turishibdi. Yurtimiz jamoalaridan “Paxtakor” 34-o'rinni, “Nasaf” 53, “Lokomotiv” 73 va “Neftchi” 81-pog'onada qayd etilgan. Birinchi o'rinni Xitoyning “Guanchjou Evergrand” klubi egallab turgan bo'lsa, kuchli uchlikni Saudiya Arabistoni jamoalari – “Al-Hilol” va “Al-Ahli” yakunlab berishgan. Umumiy reyting bilan ushbu havolaga o'tgan holda tanishishingiz mumkin.
— deya xabar beradi uff.uz nashri.