"Manchester Yunayted" bosh murabbiyi Lui van Gal Chempionlar ligasi haqida fikrlarini bildirib o'tdi.
"Hozir biz Chempionlar ligasida g'olib chiqish salohiyatiga egamiz, deb ayta olmayman. Balki tarkibni kuchaytirib olgach, kelasi yil bu ishni uddalay olarmiz.
Hozir esa biz imkon qadar uzoqroqqa borishimiz lozim. Balki biz istalgan raqibni enga olishimiz mumkindir. Men bunga ishonaman. Bu ishni premer ligada bajara olishimizni isbotlab qo'yganmiz.
Chempionlar ligasida g'olib chiqish uchun esa etarlicha kuchli emasmiz. Haqiqatga tik boqib, buni tan olish kerak. Tarkibdan ko'nglim to'q, ammo ba'zi chiziqlarni kuchaytirish shart. Masalan,  bizga chap qanot himoyachisi kerak", - deydi murabbiy.
— deya xabar beradi uff.uz nashri.