O'zbekiston terma jamoasi darvozasini shu kunga qadar roppa-rosa 20 ta darvozabon qo'riqlagan. Biz quyida ana shu darvozabonlar haqida to'xtalib o'tamiz. Shuningdek bir nechta qiziqarli faktlarni ham e'tiboringizga havola etamiz.
Faktlar
1. O'zbekiston terma jamoasining birinchi golini Anvar Jabborov o'tkazgan. U 1992-yilda Tojikistonga qarshi bahsda 72-daqiqada Muxsin Muxammadievning zarbasini bartaraf eta olmagan.
2. Berdaq Allaniyazov birinchi bo'lib “quruq” o'yin o'tkazgan posbon. U Qirg'izistonga qarshi bahsda (3:0) darvozasi dahlsizligini saqlagan.
3. Berdaq Allaniyazov o'z darvozasidan bir o'yinda to'rtta gol olib chiqqan ilk darvozabon. 1994-yilgi Osiyo o'yinlarida Tailand termasi Allaniyazov darvozasini 4 marta ishg'ol qilgan. Biroq o'sha o'yinda termamiz 5:4 hisobida g'alaba qozongan.
4. O'zbekiston termasiga qarshi o'yinda BAA futbolchisi Adnan Al-Talyaniy ilk “xet-trik”ni kiritgan. O'sha o'yinda termamiz 0:4 hisobida yutqazgan, darvoozani esa pavel Bugalo qo'riqlagan edi.
5. 1997-yilda Yaponiyalik Kazu Miura O'zbekiston darvozasiga kiritilgan ikkinchi “xet-trik”ka mualliflik qiladi. E'tiborli jihati bu safar ham darvozani aynan Pavel Bugalo qo'riqlagan edi.
6. Bugala Yaponiyaga qarshi o'sha o'yinda bir o'yinda o'z darvozasidan oltita to'p olib chiqqan ilk darvozabonimiz bo'lgan edi. Yaponiya – O'zbekiston 6:3
7. Pavel Bugalo Toshkentdagi o'yinda beshta gol o'tkazgan O'zbekistonning yagona posboni. JCh saralash bosqichida koreyslar Toshkentda 5:1 hisobidagi g'alabani qo'lga kiritishgan edi.
Davomi Furqat Yusupov blogida.
— deya xabar beradi uff.uz nashri.