"Nasaf" klubi sobiq bosh murabbiyi Anatoliy Demyanenko Ukraina matbuoti uchun bergan intervyusida Osiyoda ishlash qiyinligini ta'kidlab o'tdi.
"Men yana murabbiylik ishiga qaytaman. Ammo bu jamoa jiddiy bo'lishi va ijod qilish imkonini berishi kerak. Men futbol bilan shug'ullanishni istayman, murabbiy bo'lib olib turli ishlarga o'ralashib, qiynalib yurishni emas.
Men xoh Ukrainada bo'lsin, xoh xorijda - ishlashga tayyorman. Mudom futbolni kuzatib bormoqdaman, kerakli ma'lumotga egaman. Boz ustiga Osiyoda ishlash tajribasiga ham egaman. U erda esa ishlash juda qiyin, ayniqsa iqlim va osiyocha mentalitet qiynaydi.
Ammo men bir yo'la hammasini to'g'ri tashkil eta olganman va OFK Kubogida g'olib chiqqanman. Bu esa ularda Evropa Ligasiga o'xshash musobaqa", - deydi Demyanenko.
Eslatib o'tamiz, "Nasaf" 2011 yilda OFK Kubogi finalida "Kuvayt" SK klubini 2:1 hisobida mag'lub etib, g'oliblikka erishgan edi.
— deya xabar beradi uff.uz nashri.