Madridning "Real" klubi futbolchilari "Malme"ga qarshi kechgan uchrashuv vaqtida (8:0) jamoadoshlari Denis Cherishevni qo'llashlarini bildirdilar.
Krishtianu Ronaldu gol urgan vaziyatlardan birida "Real"ning barcha futbolchilari zaxira o'rindig'i tomon borganlar va u erda o'tirgan Denis Cherishev bilan birga golni nishonlaganlar. Bu borada Alvaro Arbeloa alohida tashabbus namoyish etgan.
Eslatib o'tamiz, Denis Cherishev "Kadis"ga qarshi Ispaniya Kubogi doirasida kechgan uchrashuvda maydonga tushishga haqqi bo'lmagani holda o'ynagan va shu sababli "Real" musobaqadan chetlatildi. O'sha o'yinning 3 daqiqasida Cherishev gol kiritgan edi.
— deya xabar beradi uff.uz nashri.