Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Qayga ketting, barqarorlik? (InterFUTBOL blogi)
Millionlar o'yinida muayyan bir klubning ketma-ket g'alabalardan so'ng birdaniga inqirozga yuz tutishi tez-tez kuzatiladi. Daily Mail shuni inobatga olgan holda Angliyada bir mavsum chempionlikni nishonlab, keyingi yili barchani hayron qoldirgan holda jadvalning quyi pog'onalarini egallagan jamoalarni birma-bir yodga oldi.
«Manchester Siti» - 1937|1938 yillar mavsumi
Chempionatda g'alaba qozonib, kelgusi mavsumni boy berish - «Manchester Siti» uchun odatiy holga aylangan. «Shaharliklar»ning so'nggi to'rt yilda qayd etgan natijalari 1937|1938 yillar mavsumidagi ko'rsatkichlarining oldida holva. «Grimsbi»ga taslim bo'lgan klub keyingi o'yinlarni mag'lubiyatsiz o'tkazib, «Charlton»dan uch ochkoga o'zib ketgan holda chempionlikni tantana qilgandilar. O'sha yillari «Siti» safi yulduzlarga boy edi: darvozabon Frenk Svift, chaqqon vinger Erni Touzlend hamda qoyilmaqom uchlik - Erik Bruk, Aleks Xerd va Piter Doerti muxlislar yoqimtoyiga aylangandilar.
Keyingi yili hujumchilar 42ta o'yinda 80ta gol urishdi, bu boshqa jamoalar bilan taqqoslaganda eng yaxshi ko'rsatkich edi. Ammo shu bilan birga, to'p o'tkazib yuborish borasida ham aslo qolishmadilar - 77ta gol.
Umuman olganda, «shaharliklar» avvalgi chempionatning dastlabki o'nta o'yinida atigi ikki marta g'alaba qozonganliklarini inobatga olsak, ular yangi mavsumni omadliroq boshlashdi. «Vulverxempton» bilan uchrashuv boy berilgan bo'lsa-da, keyinchalik «Everton» va «Lester» taslim etildi. Noyabr oyi oxirlarida «Siti» uchta bahsda durang bilan kifoyalanib, safardagi 9ta o'yinning oltitasida mag'lubiyatni tan oldi. «Meyn Roud»dagi 9ta bahsning 7tasida muvaffaqiyat qozonib, bir marta raqibi bilan ochkolarni bo'lishib oldi. 17ta o'yindan so'ng ular musobaqa jadvalining 10-pog'onasini egallab turishgan bo'lsa, keyinchalik qatorasiga to'rtta o'yinni boy berishdi. Navbatdagi uchta bahsda zafar quchib, bir marta durang o'ynashdi. Shundan so'ng sakkizta bahsning oltitasida mag'lubiyatga uchrab, ikkitasida murosa ko'chasini tanlashdi.
«Siti» avvalgi barqarorlikni qaytarishni uddalay olmadi. Garchi «Lids» 6:2 hisobida tor-mor etilgan bo'lsada, «Xaddersfild»dan qabul qilib olingan kichik hisobdagi mag'lubiyatdan so'ng ular elitani tark etishdi. «Shaharliklar» urilgan va o'tkazib yuborilgan to'plar farqi ijobiy bo'la turib, darajasi pasaygan yagona chempionga aylanishdi.
Bosh murabbiy Uilf Uayld 1946 yilgacha o'z o'rnida qolib, ushbu jamoaga umumiy hisobda 14 yil davomida ustozlik qildi. E'tiborlisi, hozirgacha hech bir mutaxassis «Manchester Siti»ni buncha muddat mobaynida boshqarmagan.
«Chelsi» - 1955|1956 yillar mavsumi
Ushbu ma'lumot Roman Abramovich va «Stemford Bridj» stadioniga kirish uchun abonement xarid qilgan muxlislarni ovutadimi-yo'qmi bilmadik, ammo «Chelsi» joriy yilda kuzatilayotgan muvaffaqiyatsizlikka avval ham ro'baro' kelgan. Ular ilk sovrinni 1954|1955 yillar mavsumida qo'lga kiritishgan, o'shanda 52 ochko to'plagan holda ikkinchi jahon urushidan so'ng chempionlikni nishonlagan jamoalar orasida eng past ko'rsatkichni qayd etishgandi.
Shunga qaramay, «Chelsi» eng yaqin ta'qibchisi - «Vulverxempton»ni to'rt ochkoga ortda qoldirib (o'sha paytlari g'alaba uchun ikki ochko berilardi), haqli ravishda chempionga aylangandi. «Bo'rilar» esa bir-birini ikki ochko ajratib turgan oltita jamoadan biriga aylanishgandi: o'sha yilgi chempionat liga tarixida bir xil saviya namoyish etilgani bilan yodda qoldi. Biroq kelgusi yili londonliklar o'yinida pasayish sezildi, natijada ikkinchi o'rin bilan 11 ochkolik farqni saqlab qolgan «Manchester Yunayted» chempionlikni nishonladi.
«Chelsi» dastlabki to'qqizta o'yinning faqat bittasida zafar quchdi. Oktyabr oyida qozonilgan g'alabalar evaziga ular elitada jon saqlab qolishdi, «ko'klar» mavsumni 13-pog'onada yakunlashdi. Ligaga asos solingan dastlabki asrda aksariyat klublarda uchragani kabi, «Chelsi»da ham sovrin qo'lga kiritilgach, g'alabaga bo'lgan ishtiyoq so'ngandi. Ted Dreyk jamoasi shohsupani egallaganidan keyin navbatdagi mavsumda omadsizlikka yuz tutgan 19ta jamoaning 14-si sanaladi. So'nggi marta bunday natijani «Aston Villa» (1981|1982) hamda «Lids (1992|1993) qayd etishgan.
«Ipsvich Taun» - 1962|1963 yillar mavsumi
Ayrim jamoalar kutilmaganda chempionga aylanishgani bois, ularda kuzatilgan pasayish shov-shuv sifatida qabul qilinmaydi. «Ipsvich»ning Alfa Remsi boshchiligidagi parvozi ko'pchilikni hayratga soldi. Ushbu mutaxassis 1955 yili jamoaga kelgan paytda «Ipsvich» uchinchi divizionda qatnashardi. Keyinchalik ham vaziyat ijobiy tus olmadi... to Remsi kelgusi yilning dekabrida Jimmi Lidbetterdan chap qanotda foydalanishni boshlamagunga qadar. Futbolchi yangi pozitsiyada o'ziga tezlik etishmasligi mumkinligini anglab, hayajonlangan bo'lsa-da, bu holat Remsining kontseptsiyasi uchun unchalik ahamiyatli emasdi. «Ortga qaytib, himoyachilardan to'pni olardim, - deya tushuntirdi Lidbetter. - Raqib jamoa fulbeklari ortimdan ta'qib etmasliklari uchun oldimda ko'pincha bo'sh joy paydo bo'lardi. Oldinga o'tganimda esa o'sha fulbek o'z pozitsiyasini tashlashga majbur qolardi. U ortimdan yugurish kerakligini tushunib turardi. Natijada, raqibning qanot himoyasida bo'shliq paydo bo'lar, ushbu chiziqda harakatlanadigan jamoadoshim Ted Fillips uchun bu ayni muddao edi: u bunday vaziyatlarda deyarli adashmaydi, darvozani ishg'ol qiladi». Shu tariqa 4-2-4dan 4-3-3 taktik sxemasiga o'tildi, keyinchalik u 4-4-2ga o'zgardi va angliyaliklar ko'p o'tmay shuning evaziga jahon chempionligini qo'lga kiritishdi.
«Ipsvich» darajasining oshishi 1957 yilga to'g'ri keldi, 1961 yilda esa (ko'p sonli ishqibozlarning hayratini oshirib) chempionlikni nishonladi. To'g'ri, raqiblar ushbu jamoaning makkorligiga qarshi kurashadigan bo'lib qolishdi. Keyingi mavsum superkubok bahsida «Tottenxem» «Ipsvich»ni 5:1 hisobida engdi. Oktyabr oyi yakuniga kelib Remsi Angliya terma jamoasiga bosh murabbiy etib tayinlangach, «Ipsvich» 15ta o'yinda atigi ikkita g'alabaga erishdi. Klub mavsumni 17-o'rinda yakunlab, oliy divizionni tark etdi.
«Lids Yunayted» - 1974|1975 yillar mavsumi
Brayan Klaf hamda «Lids Yunayted» bir-birlariga mutlaqo mos emasdilar. Chempionlik unvonini saqlab qolgan Don Rivi Angliya termasida Alfa Remsining o'rnini egallagach, uning «Lids»dagi joyi bo'sh qoldi. «Brayton»da noxush damlarni boshdan kechirgan Klaf esa chempionlarga ustozlik qilishga qarshi emasdi. Garchi u avvalgi to'rt yilni Rivi, «Lids» hamda ushbu klubga bog'liq barchani tanqid qilish bilan o'tkazgan bo'lsa-da, evrokubokda qatnashish ishtiyoqi unga tinchlik bermasdi.
«Lids» rahbariyati murabbiylikka obro'li shaxsni olib kelishni xohlashardi. Oxir-oqibat Klaf tanlandi. Ushbu mutaxassis qisqa muddat ichida sezilarli o'zgarishlarni amalga oshirdi, uning futbolchilarga nisbatan qattiqqo'llik qilishi esa vaziyatni chigallashtirdi (misol uchun, Brayan o'yinchilardan «g'irromlik» orqali qo'lga kiritilgan medallarini axlatga tashlashni talab qilgan).
«Lids» mavsum boshidagi superkubok bahsini «Liverpul»ga boy berdi. Bu Bill Shenklining xayrlashuv o'yini edi, ammo uchrashuv Billi Bremner va Kevin Kiganning mushtlashuvi bilan yodda qoldi - har ikki futbolchi maydondan chetlatildi (aftidan, Kigan musht egani uchun qizil kartochka olgandi). Jamoa ligadagi dastlabki oltita o'yinning uchtasida mag'lubiyatga uchrab, ikkitasida durang qayd etdi. Shundan so'ng Klafning klubda ko'p ushlanib qolmasligi tobora oydinlashib bordi. 44 kun ishlagach, Brayan ketdi. Undan so'ng vaziyatni Jimmi Armfild o'ngladi: «Lids» yangi yilda atigi uchta o'yinda taslim bo'lib, mavsumni to'qqizinchi o'rinda yakunladi. O'z navbatida, Evropa Chempionlari Kubogi finaliga qadar etib bordi. Hal qiluvchi bahsda «Bavariya»ga munosib qarshilik ko'rsatishlariga qaramay, bosh sovrinni qo'lga kiritish ularga nasib etmadi.
Davomi InterFUTBOL blogida.
— deya xabar beradi uff.uz nashri.
«Manchester Siti» - 1937|1938 yillar mavsumi
Chempionatda g'alaba qozonib, kelgusi mavsumni boy berish - «Manchester Siti» uchun odatiy holga aylangan. «Shaharliklar»ning so'nggi to'rt yilda qayd etgan natijalari 1937|1938 yillar mavsumidagi ko'rsatkichlarining oldida holva. «Grimsbi»ga taslim bo'lgan klub keyingi o'yinlarni mag'lubiyatsiz o'tkazib, «Charlton»dan uch ochkoga o'zib ketgan holda chempionlikni tantana qilgandilar. O'sha yillari «Siti» safi yulduzlarga boy edi: darvozabon Frenk Svift, chaqqon vinger Erni Touzlend hamda qoyilmaqom uchlik - Erik Bruk, Aleks Xerd va Piter Doerti muxlislar yoqimtoyiga aylangandilar.
Keyingi yili hujumchilar 42ta o'yinda 80ta gol urishdi, bu boshqa jamoalar bilan taqqoslaganda eng yaxshi ko'rsatkich edi. Ammo shu bilan birga, to'p o'tkazib yuborish borasida ham aslo qolishmadilar - 77ta gol.
Umuman olganda, «shaharliklar» avvalgi chempionatning dastlabki o'nta o'yinida atigi ikki marta g'alaba qozonganliklarini inobatga olsak, ular yangi mavsumni omadliroq boshlashdi. «Vulverxempton» bilan uchrashuv boy berilgan bo'lsa-da, keyinchalik «Everton» va «Lester» taslim etildi. Noyabr oyi oxirlarida «Siti» uchta bahsda durang bilan kifoyalanib, safardagi 9ta o'yinning oltitasida mag'lubiyatni tan oldi. «Meyn Roud»dagi 9ta bahsning 7tasida muvaffaqiyat qozonib, bir marta raqibi bilan ochkolarni bo'lishib oldi. 17ta o'yindan so'ng ular musobaqa jadvalining 10-pog'onasini egallab turishgan bo'lsa, keyinchalik qatorasiga to'rtta o'yinni boy berishdi. Navbatdagi uchta bahsda zafar quchib, bir marta durang o'ynashdi. Shundan so'ng sakkizta bahsning oltitasida mag'lubiyatga uchrab, ikkitasida murosa ko'chasini tanlashdi.
«Siti» avvalgi barqarorlikni qaytarishni uddalay olmadi. Garchi «Lids» 6:2 hisobida tor-mor etilgan bo'lsada, «Xaddersfild»dan qabul qilib olingan kichik hisobdagi mag'lubiyatdan so'ng ular elitani tark etishdi. «Shaharliklar» urilgan va o'tkazib yuborilgan to'plar farqi ijobiy bo'la turib, darajasi pasaygan yagona chempionga aylanishdi.
Bosh murabbiy Uilf Uayld 1946 yilgacha o'z o'rnida qolib, ushbu jamoaga umumiy hisobda 14 yil davomida ustozlik qildi. E'tiborlisi, hozirgacha hech bir mutaxassis «Manchester Siti»ni buncha muddat mobaynida boshqarmagan.
«Chelsi» - 1955|1956 yillar mavsumi
Ushbu ma'lumot Roman Abramovich va «Stemford Bridj» stadioniga kirish uchun abonement xarid qilgan muxlislarni ovutadimi-yo'qmi bilmadik, ammo «Chelsi» joriy yilda kuzatilayotgan muvaffaqiyatsizlikka avval ham ro'baro' kelgan. Ular ilk sovrinni 1954|1955 yillar mavsumida qo'lga kiritishgan, o'shanda 52 ochko to'plagan holda ikkinchi jahon urushidan so'ng chempionlikni nishonlagan jamoalar orasida eng past ko'rsatkichni qayd etishgandi.
Shunga qaramay, «Chelsi» eng yaqin ta'qibchisi - «Vulverxempton»ni to'rt ochkoga ortda qoldirib (o'sha paytlari g'alaba uchun ikki ochko berilardi), haqli ravishda chempionga aylangandi. «Bo'rilar» esa bir-birini ikki ochko ajratib turgan oltita jamoadan biriga aylanishgandi: o'sha yilgi chempionat liga tarixida bir xil saviya namoyish etilgani bilan yodda qoldi. Biroq kelgusi yili londonliklar o'yinida pasayish sezildi, natijada ikkinchi o'rin bilan 11 ochkolik farqni saqlab qolgan «Manchester Yunayted» chempionlikni nishonladi.
«Chelsi» dastlabki to'qqizta o'yinning faqat bittasida zafar quchdi. Oktyabr oyida qozonilgan g'alabalar evaziga ular elitada jon saqlab qolishdi, «ko'klar» mavsumni 13-pog'onada yakunlashdi. Ligaga asos solingan dastlabki asrda aksariyat klublarda uchragani kabi, «Chelsi»da ham sovrin qo'lga kiritilgach, g'alabaga bo'lgan ishtiyoq so'ngandi. Ted Dreyk jamoasi shohsupani egallaganidan keyin navbatdagi mavsumda omadsizlikka yuz tutgan 19ta jamoaning 14-si sanaladi. So'nggi marta bunday natijani «Aston Villa» (1981|1982) hamda «Lids (1992|1993) qayd etishgan.
«Ipsvich Taun» - 1962|1963 yillar mavsumi
Ayrim jamoalar kutilmaganda chempionga aylanishgani bois, ularda kuzatilgan pasayish shov-shuv sifatida qabul qilinmaydi. «Ipsvich»ning Alfa Remsi boshchiligidagi parvozi ko'pchilikni hayratga soldi. Ushbu mutaxassis 1955 yili jamoaga kelgan paytda «Ipsvich» uchinchi divizionda qatnashardi. Keyinchalik ham vaziyat ijobiy tus olmadi... to Remsi kelgusi yilning dekabrida Jimmi Lidbetterdan chap qanotda foydalanishni boshlamagunga qadar. Futbolchi yangi pozitsiyada o'ziga tezlik etishmasligi mumkinligini anglab, hayajonlangan bo'lsa-da, bu holat Remsining kontseptsiyasi uchun unchalik ahamiyatli emasdi. «Ortga qaytib, himoyachilardan to'pni olardim, - deya tushuntirdi Lidbetter. - Raqib jamoa fulbeklari ortimdan ta'qib etmasliklari uchun oldimda ko'pincha bo'sh joy paydo bo'lardi. Oldinga o'tganimda esa o'sha fulbek o'z pozitsiyasini tashlashga majbur qolardi. U ortimdan yugurish kerakligini tushunib turardi. Natijada, raqibning qanot himoyasida bo'shliq paydo bo'lar, ushbu chiziqda harakatlanadigan jamoadoshim Ted Fillips uchun bu ayni muddao edi: u bunday vaziyatlarda deyarli adashmaydi, darvozani ishg'ol qiladi». Shu tariqa 4-2-4dan 4-3-3 taktik sxemasiga o'tildi, keyinchalik u 4-4-2ga o'zgardi va angliyaliklar ko'p o'tmay shuning evaziga jahon chempionligini qo'lga kiritishdi.
«Ipsvich» darajasining oshishi 1957 yilga to'g'ri keldi, 1961 yilda esa (ko'p sonli ishqibozlarning hayratini oshirib) chempionlikni nishonladi. To'g'ri, raqiblar ushbu jamoaning makkorligiga qarshi kurashadigan bo'lib qolishdi. Keyingi mavsum superkubok bahsida «Tottenxem» «Ipsvich»ni 5:1 hisobida engdi. Oktyabr oyi yakuniga kelib Remsi Angliya terma jamoasiga bosh murabbiy etib tayinlangach, «Ipsvich» 15ta o'yinda atigi ikkita g'alabaga erishdi. Klub mavsumni 17-o'rinda yakunlab, oliy divizionni tark etdi.
«Lids Yunayted» - 1974|1975 yillar mavsumi
Brayan Klaf hamda «Lids Yunayted» bir-birlariga mutlaqo mos emasdilar. Chempionlik unvonini saqlab qolgan Don Rivi Angliya termasida Alfa Remsining o'rnini egallagach, uning «Lids»dagi joyi bo'sh qoldi. «Brayton»da noxush damlarni boshdan kechirgan Klaf esa chempionlarga ustozlik qilishga qarshi emasdi. Garchi u avvalgi to'rt yilni Rivi, «Lids» hamda ushbu klubga bog'liq barchani tanqid qilish bilan o'tkazgan bo'lsa-da, evrokubokda qatnashish ishtiyoqi unga tinchlik bermasdi.
«Lids» rahbariyati murabbiylikka obro'li shaxsni olib kelishni xohlashardi. Oxir-oqibat Klaf tanlandi. Ushbu mutaxassis qisqa muddat ichida sezilarli o'zgarishlarni amalga oshirdi, uning futbolchilarga nisbatan qattiqqo'llik qilishi esa vaziyatni chigallashtirdi (misol uchun, Brayan o'yinchilardan «g'irromlik» orqali qo'lga kiritilgan medallarini axlatga tashlashni talab qilgan).
«Lids» mavsum boshidagi superkubok bahsini «Liverpul»ga boy berdi. Bu Bill Shenklining xayrlashuv o'yini edi, ammo uchrashuv Billi Bremner va Kevin Kiganning mushtlashuvi bilan yodda qoldi - har ikki futbolchi maydondan chetlatildi (aftidan, Kigan musht egani uchun qizil kartochka olgandi). Jamoa ligadagi dastlabki oltita o'yinning uchtasida mag'lubiyatga uchrab, ikkitasida durang qayd etdi. Shundan so'ng Klafning klubda ko'p ushlanib qolmasligi tobora oydinlashib bordi. 44 kun ishlagach, Brayan ketdi. Undan so'ng vaziyatni Jimmi Armfild o'ngladi: «Lids» yangi yilda atigi uchta o'yinda taslim bo'lib, mavsumni to'qqizinchi o'rinda yakunladi. O'z navbatida, Evropa Chempionlari Kubogi finaliga qadar etib bordi. Hal qiluvchi bahsda «Bavariya»ga munosib qarshilik ko'rsatishlariga qaramay, bosh sovrinni qo'lga kiritish ularga nasib etmadi.
Davomi InterFUTBOL blogida.
— deya xabar beradi uff.uz nashri.
Bosh sahifaga
316