Bugun Malayziya poytaxti Kuala Lumpur shahrida Osiyo chempionlari ligasi-2016 musobaqasiga qur'a tashlandi.
Unga ko'ra “Nasaf” futbolchilari keyingi yili start beriladigan musobaqaning “D” guruhida O'zbekiston sharafini himoya qilishadi. Guruhdagi ilk raqibimiz Saudiya Arabistoni vitse-chempioni “Al Ahli” jamoasi bo'ladi. Bu jamoa biz uchun begona emas. O'tgan yili ham aynan ushbu klub bilan bir guruhda to'p tepganmiz.
Ikkinchi raqib Birlashgan Arab amirliklarining “Al Ayn” jamoasi. Amirliklarning eng kuchli futbolchisi sifatida e'tirof etiladigan Umar Abdulrahmon ayni paytda ushbu klub safida harakat qiladi. Undan tashqari bu jamoada nigeriyalik Emmanuel Eminike va gollandiyalik Rayan Babel singari futbolchilar bor. Uchinchi raqibmiz esa Eronninng Naft yoki Qatarnnig Al Jayish jamoasi bo'ladi. 2016 yilgi mavsumda “Nasaf” OChLda muxlislar ishonchini oqlashidan umidvormiz. Olg'a, “ajdarlar”!!!
Manba: https:/facebook.com/aziz.nuriy, http://voha.uz
— deya xabar beradi uff.uz nashri.