Chempionlar Ligasida guruh o'yinlari yakuniga etdi. Endi pley-off ga chiqgan jamoalar o'z raqiblarini kutishayotgan bir vaqtda, biz qaysi jamoaga kim raqib bo'lishi mumkinligini ko'rib o'tamiz.
Chempionlar Ligasining nizomiga binoan bu bosqichda hech qaysi jamoa o'zining vatanidan hisoblangan boshqa jamoa bilan o'ynamaydi, ular alohida savatchalarga solinadi. Bundan tashqari guruhda birinchi o'rinni egallagan jamoalar, faqatgina guruhda ikkinchi o'rinni olganlar bilan o'ynash imkoniyatiga ega bo'lishadi. Yana shuni qo'shimcha qilib o'tish kerakki, guruh bosqichida bir guruhdan o'rin olgan ikki jamoa, bu bosqichda bir-biriga ro'baro kelmaydi.
Bundan kelib chiqadiki, “Arsenal” jamoasi “Chelsi” yoki “Manchester siti” jamoalari bilan, “Real” jamoasi “Barselona” “Atletiko” klublari bilan bu turda o'ynamaydi.
Bu bosqichda “Arsenal”ning imkoniyatlari biroz cheklangan. Ularning raqibi bo'lishi mumkin bo'lgan jamoalar beshta: “Real”, “Barselona”, “Atletiko”, “Zenit” va “Volfsburg” Ko'rinib turibdiki, “Arsenal”ning ispan jamoalariga to'qnash kelish ehtimoli juda yuqori.
Shuni qayd etish kerakki, nim chorak final o'yinlarida top jamoalarning bir-biriga to'qnash kelish ehtimoli juda ham kam. Birinchi o'rinni egallagan jamoalar “PSJ”, “Arsenal” yoki “Yuventus” jamoalaridan hayiqishlari mumkin. Qolgan jamoalarning esa holiga havas qilib bo'lmaydi.
“Zenit” jamoasi ham bu bosqichda qanday o'yin ko'rsatishi ko'pchilikka qiziq. Qaysi jamoalar qur'aga ko'ra bir-biri bilan to'qnash kelishi mumkinligi foizlarda ifodalangan quyida fotosuratda ilova qilingan.
Profutbol.Uz blogidan olindi.
— deya xabar beradi uff.uz nashri.