Statistika
O'tkazilgan vaqti: 29.09.1940 – 02.03.1941
Ishtirokchi jamoalar: 12
O'yinlar: 132
Gollar: 569 (o'rtacha 4,31)
Eng yirik hisob: «Sevilya» — «Barselona» — 11:1
Gollar shousi: «Sevilya» — «Valensiya» — 10:3
“Atletiko” ikki karra chempion!
“Atletiko” birinchi davrani 2-o'rinda yakunladi. Boisi birinchi davrada “Sevilya” 1-o'rinni hech kimga bermadi. Ikkinchi davradan boshlab esa Madridliklar peshqadamlikni qo'lga olishdi va oxirgi turga qadar bu o'rinni begona qilishmadi. Natijada “matraschilar” qatorasiga ikkinchi marotaba Ispaniya chempioniga aylanishdi!
1-davra chempioni “Sevilya”
“Sevilya” 1-davra chempioni bo'lgan edi. Sevilyaliklar birinchi davrada “Barselona”ni 11:1, “Valensiya”ni 10:3, “Erkules”ni 8:3 hisoblarida taslim qildi. Afsuski jamoa ikkinchi davrada omadsizliklarga yuz tutdi va mavsumni 5-o'rinda yakunladi.
“Atletik” kumush medal sohibi
“Atletik” chempiondan atigi 2 ochko orqada qolib ketdi va 2-o'rin bilan cheklanishga majbur bo'ldi. Basklar mavsumni omadsiz tarzda boshlab 4-5-turlarda 11-o'ringa tushib ketgan bo'lsalar ham, tezda o'zlarini o'nglab olishganini ham e'tirof etib o'tish joiz.
Davomi Furkat.Uz blogida.
— deya xabar beradi uff.uz nashri.