"Zenit" rahbariyati italiyalik murabbiy Karlo Anchelotti bilan muzokara olib bordi va uning roziligini olishga muvaffaq bo'ldi. "Izvestiy" nashri tomonidan xabar qilinishicha, 56 yoshli murabbiy mavsum oxirida Andre Villash Boashning o'rnini egallashga rozi bo'lgan.
Karlo Anchelottining "Zenit"dagi bir yillik maoshi 16 million evro bo'lishi kutilmoqda. Eslatib o'tamiz, murabbiy "Real"da yiliga 15,5 million evr maosh olgan edi. Agar bu kelishuv amalga oshsa, Anchelotti dunyoda eng ko'p maosh oladigan ikkinchi murabbiyga aylanadi.
Eslatib o'tamiz, eng ko'p maosh oladigan murabbiy - "Chelsi" ustozi Joze Mourino hisoblanadi. Portugaliyalik murabbiy yiliga 18 million evro daromad qiladi.
Shu vaqtga qadar "Zenit"ni boshqargan Andre Villash-Boash esa yiliga 8,5 million evro maosh olar edi.

— deya xabar beradi uff.uz nashri.