Bugun butun dunyo futbolida katta bayram. Har bir qit'a vakillari mos ravishda yirik futbol musobaqalari uchun saralash o'yinlarini boshlashadi va davom ettirishadi. Janubiy Amerikada JCh-2018 saralashi start olsa, Evropada Evro-2016 saralashining navbatdagi o'yinlari davom ettiriladi.
Osiyo qit'asi bo'lsa, JCh-2018 saralashini biroz muqaddam boshlagandi. Bugun JCh-2018 musoabqasi 2-saralashining guruh bosqich 5-tur uchrashuvlari boshlanadi. Jumladan, O'zbekiston milliy terma jamoasi Manama shahrida mahalliy Bahrayn termasiga qarshi maydonga chiqadi.
Biz uchun haqiqat onlari yaqinlashmoqda. Zero, aynan shu o'yin hammasini tubdan o'zgartirib yuborishi mumkin. To'g'ri, bizda hali soat 12:30da boshlanadigan KXDR - Filippin uchrashuvini ko'rish va hisobini bilish imkoniyati ham bor. Agar bordiyu, Shimoliy koreyaliklar g'alaba qozonishsa, Samvel Babayan shogirdlari ochko yo'qotishga haqqilari qolmaydi. O'zi, usiz ham bizga g'alabadan boshqasi kerak emas.
Kecha bo'lib o'tgan matbuot-anjumanida bosh murabbiyimiz ikki terma o'rtasidagi nohush an'anaga barham berishini aytib o'tgandi. Umid qilamiz, darhaqat o'yin taqdiri bizning foydamizga hal bo'ladi. Bahrayn termasi ko'p marta oyog'imizdan "chalib" qolgan. Bugungi o'yin orqali avvalgi mag'lubiyatlar alamini ham olish kerak bo'ladi.
Terma jamoamizga omad tilagan holda, bugungi o'yinlar anonsi bilan tanishtirib o'tamiz: 4-tur 08.09.2015 11.00 D Guam 0 - 0 Ummon 16.00 F Xitoy Taypeyi 1 - 2 Vetnam 16.30 E Kambodja 0 - 6 Suriya 16.35 C Maldiv 0 - 3 Xitoy 17.00 C Gonkong 2 - 3 Qatar 17.05 H Filippin 1 - 5 O'zbekiston 17.00 G Laos 0 - 2 Quvayt 17.00 F Tayland 2 - 2 Iroq 16.00 B Bangladesh 0 - 4 Iordaniya 17.25 E Afg'oniston 0 - 6 Yaponiya 17.45 A Malayziya 1 - 2 Saudiya Arabistoni 18.00 B Tojikiston 0 - 3 Avstraliya 18.30 D Hindiston 0 - 3 Eron 19.00 G Livan 0 - 3 Janubiy Koreya 19.00 A Falastin 0 - 0 BAA 21.00 H Yaman 0 - 4 Bahrayn
— deya xabar beradi uff.uz nashri.