“Yuventus” klubi rahbariyati himoyachilar Andrea Bardzali va Patris Evra bilan shartnomalarni uzaytirmoqchi.
Yaqin orada turinlik jamoa vakillari yangi kelishuvlar borasida muzokaralar o'tkazish uchun o'yinchilarning agentlari bilan uchrashishadi. Aytish joizki, futbolchilarning amaldagi bitimlari 2016 yilning yozida o'z nihoyasiga etadi.
Xabar qilinishicha, Bardzali yangi shartnoma imzolash uchun ayni damda 2,5 million evroni tashkil qiluvchi maoshining kamayishiga ham rozi. Evra bilan muzokaralar og'irroq o'tishi kutilmoqda, chunki unda MLS chempionati vakillaridan takliflar bor.
Bundan tashqari, “Yuventus” qishki transferlar mavsumidayoq himoyachi Martin Kaseres bilan xayrlashmoqchi.
— deya xabar beradi uff.uz nashri.