2016 yili Frantsiya mamlakatida bo'lib o'tadigan Evropa chempionatida ishtirok etuvchi 24ta terma jamoa uchun umumiy sovrin jamg'armasi 301 million evroni tashkil qiladi.
Musobaqa g'olibi esa 27 million evro mukofot puli oladi. Bu haqida UEFA bosh kotibi Janni Infantino xabar berdi.
Evro-2016 musobaqasi guruh bosiqichiga qur'a tashlash marosimi 12 dekabr kuni Frantsiya poytaxti Parij shahrida bo'lib o'tadi.
Musobaqada ishtirok etish huquqini qo'lga kiritgan terma jamoalar bilan tanishing:
Frantsiya, Ispaniya, Germaniya, Angliya, Portugaliya, Belgiya, Italiya, Rossiya, Shveytsariya, Avstriya, Xorvatiya, Ukraina, Chexiya, Shvetsiya, Polsha, Ruminiya, Slovakiya, Vengriya, Turkiya, Irlandiya, Islandiya, Uels, Albaniya, Shimoliy Irlandiya.
Aytish joizki, musobaqaga 2016 yilning 10 iyun sanasida start berilsa, 10 iyul kuni “Stad de Frans” stadionidagi final bahsi bilan yakun yasaladi.
— deya xabar beradi uff.uz nashri.