Bir necha daqiqalardan so'ng Parij shahrida 2016 yili bo'lib o'tadigan Evropa chempionatining yakuniy final bosqichiga qur'a tashlash marosimi boshlanadi. Marosimni saytimiz orqali onlayn tarzda kuzatib borishingiz mumkin. Aytish joizki, qur'a tashlash marosimida 24ta terma jamoa oltita guruhga bo'linadi. Eslatib o'tamiz, 23ta terma saralash bosqichidan o'tgan. Ular UEFA reytingiga ko'ra, to'rtta savatchaga bo'linishgan. Ispaniya termasi o'tgan Evro g'olibi sifatida 1-savatchadan joy oladi. Mezbon davlat sifatida Frantsiya terma qayd etiladi va u 1-savatchadan avtomatik tarzda joy oladi. Shu tariqa 1-savatchada beshta terma joylashadi. Savatchalar bilan tanishing: 1-savatcha:
Ispaniya, Germaniya, Angliya, Portugaliya, Belgiya. 2-savatcha:
Italiya, Rossiya, Shveytsariya, Avstriya, Xorvatiya, Ukraina. 3-savatcha:
Chexiya, Shvetsiya, Polsha, Ruminiya, Slovakiya, Vengriya. 4-savatcha:
Turkiya, Irlandiya, Islandiya, Uels, Albaniya, Shimoliy Irlandiya Pley-off bosqichiga har bir guruhdan birinchi ikkita o'rinni egallagan termalar va eng yaxshi natijalarni qayd etgan yana to'rtta 3-o'rin sohiblari ham yo'l olishadi. Demak, boshladik: **** Qur'a tanlash marosimi oldidan kichik musiqiy dastur bilan boshlanmoqda. Marosim boshlovchilari Rud Gullit va Biksent Lizarazyu sahnaga mashhur di-djey Davdid Gettani taklif qilishdi. Aynan Getta Evro-2016 uchun qo'shiklarni yozgan. Devid o'zining ilik tilaklarini bildirib, sahnani tark etdi. Visente Del Boske esa Evropa chempionatinig bosh sovrinini sahnaga olib chiqib, murosimga tashrif buyurgan mehmonlar qatoriga qo'shildi. Qur'a tashlash marosimi o'tkazishda ishtirok etish uchun sahnaga Sahnaga Antonin Panenka taklif etildi. Chexoslovakiyalik sobiq futbolchi penaltidan antiqa zarba bergan dastlabki futbolchi hisoblanadi. U bilan birga Oliver Birxoff, David Trezege va Angelos Xaristeas ham sahnaga chiqib keldi. Marosimni o'tkazish shartlarini nazorat qilish uchun esa Janni Infantino taklif qilindi. Demak, qur'a tashlash marosimining asosiy qismi boshlanmoqda... **** "A" guruhi: 1. Frantsiya, 2. Ruminiya, 3. Albaniya, 4. Shveytsariya. "B" guruhi: 1. Angliya, 2. Rossiya, 3. Uels, 4. Slovakiya. "C" guruhi: 1. Germaniya, 2. Ukraina, 3. Polsha, 4. Shimoliy Irlandiya. "D" guruhi: 1. Ispaniya, 2. Chexiya, 3. Turkiya, 4. Xorvatiya. "E" guruhi: 1. Belgiya, 2. Italiya, 3. Irlandiya, 4. Shvetsiya. "F" guruhi: 1. Portugaliya, 2. Islandiya, 3. Avstriya, 4. Vengriya. Demak, qadrli futbol muxlislari qu'ra tashlash marosimi yakunlandi. E'tiboringiz uchun katta rahmat!
— deya xabar beradi uff.uz nashri.