Ro'ziqul Berdiev boshchiligidagi “Nasaf” jamoasi yangi mavsumga tayyorgarlik ko'rishga kirishdi.
“Nasaf” futbolchilari klub qarorgohida to'planishdi va yangi mavsumga ilk tayyorgarlik bosqichini boshlashdi. Futbolchilar bugun trenajyor zalida shug'ullanish bilan cheklanishdi.
Yig'inga asta-sekin barcha futbolchilar etib kelishmoqda.
Erkin Baydullaev, Artur Gevorkyan, Ilhom Shomurodov, Maqsud Karimov, Sherzod A'zamov singari futbolchilar tez orada yig'inga qo'shilishadi. Shuningdek, Ro'ziqul Berdiev yig'inga yoshlar jamoasi va “Nasaf” akademiyasidagi bir qator yosh futbolchilarni ham jalb etgan va ularni ham sinovdan o'tkazmoqda.
Jamoa yangi mavsumga tayyorgarlikni klub qarorgohida davom ettiradi. Mashg'ulotlar kuniga ikki mahaldan o'tkaziladi.
— deya xabar beradi uff.uz nashri.