«Manchester Yunayted» Xosep Gvardiola bilan muzokaralarni tezlashtirdi. Mankunianliklar bu borada hamshaharlari "Manchester Siti"dan o'zib ketishga intilmoqdalar.
O'tgan hafta «Manchester Yunayted» rahbariyati Lui van Galni qo'llashini bildirgan edi. Ammo bunga sabab sifatida faqat EChLda og'ir o'yin kutib turgani aytilgan. Klub Chempionlar ligasidan chiqib ketgach va kamiga "Bornmut"dan ham 1:2 hisobida mag'lubiyatga uchragach, van Galning kelajagi shubha ostida qolgan.
Ayni vaqtda «Manchester Yunayted» qanday qilib bo'lmasin Gvardiola bilan shartnoma imzolashni o'z oldiga maqsad qilib qo'ygan. Shu sababli muzokara jarayoni tezlashtirilmoqda.
Garchi "Manchester Siti" uch yildan buyon Gvardiola bilan aloqada bo'lsada, "MYu" rahbariyati murabbiy boy tarixga ega klubni tanlashidan umidvor. Boz ustiga Gvardiolani ko'ndirish uchun klubning sobiq bosh murabbiyi Aleks Fergyuson ham jalb etilgan.
Eslatib o'tamiz, Gvardiolaning "Bavariya" bilan shartnomasi mavsum oxirida yakuniga etishi lozim. Myunxenliklar ham murabbiy bilan yangi shartnoma imzolash niyatida va Gvardiola 30 dekabrga qadar "Bavariya"ga o'z javobini berishi kerak.
— deya xabar beradi uff.uz nashri.