"Guanchjou Evergrand" bosh murabbiyi Luis Felipe Skolari "Amerika"ga qarshi kechgan uchrashuvdan so'ng (2:1) "Barselona"ga qarshi kechadigan o'yin haqida fikrlarini bildirib o'tdi.
"Futbol 90 daqiqa o'ynaladi. Biz yarim finalga chiqishni juda istagan edik, shu sababli juda tavakkalli zaxira almashtirishlarini amalga oshirdim. Bugun bu almashtirishlar ish berdi. Ammo men o'z jamoamni yaxshi bilaman va nimalarga qodirligimizni yaxshi bilaman.
"Amerika" - fantastik tarixga ega ajoyib jamoa. Ammo biz ularni mag'lubiyatga uchratishga muvaffaq bo'ldik. Biz "Barselona"ga qarshi kechadigan ajoyib o'yin haqida orzu qilishda davom etishimiz kerak. Bu o'yinda bizda g'alaba qozonish imkoniyati bor", - deydi murabbiy.
— deya xabar beradi uff.uz nashri.