Angliya chempionatining 16-turidan o'rin olgan "Liverpul" hamda "Vest Bromvich" klublari o'rtasidagi uchrashuv o'z nihoyasiga etdi. Unda jamoalar murosa ko'chasini tanlashdi. O'yinning ilk daqiqalaridanoq “Liverpul” to'pni to'liqligicha o'z nazorati ostiga olib, vaqti-vaqti bilan Mayxill darvozasi oldida vaziyatlar yuzaga kelib turdi va 21-daqiqada shunday vaziyatlaring birini Jordan Xenderson gol bilan yakunlashga muvaffaq bo'ldi – 1:0. Biroq, 9 daqiqa o'tgach mehmonlar Dousoning hatti-harakatlari evaziga burchak zarbasidan so'ng muvozanatni tiklashdi. Minole to'pga noto'g'ri chiqqani gol urilishiga olib keldi. Ikkinchi bo'limda ham “Liverpul” katta tashabbusga ega bo'ldi va Mayxill darvozasi yaqinida xavfli hujumlarining soni ancha ko'paydi. “Vest Bromvich” esa o'z navbatida yana standart vaziyatdan yana Minole ko'magi bilan hisobda oldinga chiqib oldi. Bu safar golga Olsson mualliflik qildi. Yurgen Klopp mag'lubiyatdan qutilib qolish maqsadida Orijini janga tashladi va aynan belgiyalik hujumchining goli yakunda mersisaydliklarni mag'lubiyatdan qutqardi. Angliya chempionati, 16-tur Liverpul – Vest Bromvich 2:2 (1:1, 1:1)
Gollar: 1:0 – 21 Xenderson, 1:1 – 30 Douson, 1:2 – 73 Olsson, 2:2 – 90 Oriji.
Liverpul – Minole, Shkrtel, Moreno, Klayn, Lovren (Oriji, 79), Milner, Jan, Lallana (Firmino, 86), Xenderson, Koutino (Ayb, 72), Benteke.
Vest Bromvich – Mayxill, Makoli, Evans, Douson, Olsson, Fletcher, Brant, Morrison, Gardner, Makkleyn, Rondon (Lambert, 90).
— deya xabar beradi uff.uz nashri.