Qatar Yulduzlar Ligasida super to'qnashuv bo'lib o'tadi. Tarkibida hamyurtimiz Sardor Rashidov harakat qilayotgan “Al Jaish” o'z maydonida qit'a miqyosida anchagina obro'-e'tiborga ega bo'lgan “Al Sadd”ga qarshi bahs olib boradi.
Xo'sh, “Al Jaish” Xavidek jahonga mashhur futbolchi sardorlik qilayotgan “Al Sadd”ni engga oladimi? Bu borada tobora “Jaish”ning etakchilaridan biriga aylanib borayotgan Sardor Rashidovning fikrlari bilan qiziqdik.
- Sardor, oldinda jamoangizni anchagina qiyin uchrashuv kutib turibdi. Shunday emasmi?
- Ha, biz bu turda “Al Sadd”ga qarshi bahs olib boramiz. O'yin oson o'tmasligi tayin. Zero “Al Sadd” – juda kuchli jamoa. Uning tarkibida bir qator mahoratli futbolchilar bor.
- Yulduzlar Ligasining boshqa ishtirokchilari o'yinini ham kuzatib borayotganingiz tayin. Bu galgi raqib jamoa ko'rsatayotgan o'yinga qanday baho bera olasiz?
- “Al Sadd” sekin-asta o'z o'yinini kuchaytirib bormoqda. Bu klub o'tgan turda musobaqa jadvali karvonboshisi “Al Rayyan”ni mag'lub etdi. “Rayyan” bu yil faqat bir bor mag'lub bo'ldi, u ham bo'lsa aynan “Al Sadd”dan uchralgan mag'lubiyat. Shuning o'ziyoq raqibning har tomondan shakllangan jamoa ekanini ko'rsatib turibdi.
- “Al Sadd” tarkibida Xavidek yulduz futbolchi to'p suradi…
- Xavi – jahon darajasidagi yulduz futbolchi.
Davomi Sports.Uz blogida.
— deya xabar beradi uff.uz nashri.