FIFA prezidenti Yozey Blatter tashkilotning Odob-axloq qo'mitasi tomonidan 90 kunga o'z lavozimidan chetlatildi. Qo'mita navbatdan tashqari o'tkazgan yig'ilishida shunday qaror qabul qilishga majbur bo'ldi. Eslatib o'tamiz, ayni paytda Shveytsariya prokuraturasi Yozef Blatterga nisbatan jinoiy ish ochgan. U UEFA prezidenti Mishel Platiniga noqonuniy ravishda 1,8 million evro miqdorida mablag' berganlikda ayblanmoqda. Yaqin vaqt ichida FIFA Odob-axloq qo'mitasi Mishel Platinini ham o'z lavozimidan vaqtincha chetlatishni rejalashtiryapti.
— deya xabar beradi uff.uz nashri.