Futbol tomoshabinlar uchun o'ynaladi, degan iborani ko'p eshitganmiz. Chindan ham bum-bush stadionda to'p tepish futbolchilarga ham yoqmaydi. Tomoshabinga to'la o'yingohda o'ynashning esa o'zgacha gashti bor. “Qo'qon-1912” jamoasi tomoshabinlar borasida maqtana oladi, desak mubolag'a bo'lmaydi. Futbolimiz vatani bo'lmish Qo'qonda azaldan “millionlar o'yini”ga bo'lgan munosabat boshqacha. Bu erda futbolni juda ardoqlashadi, sevishadi. Yakuniga etgan mavsumda Qo'qondagi “Markaziy” o'yingohda o'tkazilgan 15 ta uchrashuvda 104 623 nafar muxlis stadionga tashrif buyurdi. Buni o'yinlarga taqsimlaydigan bo'lsak: har bir o'yinga o'rtacha 6974 nafar tomoshabin kelgan. Eng ko'p tomoshabin 7-tur doirasidagi “Qo'qon-1912” – “Buxoro” uchrashuviga tashrif buyurgan. O'sha uchrashuvni bevosita stadionda 9512 nafar muxlis kuzatgan. Eng kam muxlis esa 29-tur doirasidagi “Qo'qon-1912” – “So'g'diyona” o'yiniga tashrif buyurgan. “Qo'qon-1912” jamoasi o'z maydonida o'tkazgan mavsumdagi so'nggi uchrashuvida 4647 nafar muxlis yig'ilgan. Birinchi davradagi o'z maydonimizda o'tgan ettita bahsga 54 554 nafar tomoshabin kelgan. Bu har bir o'yinga o'rtacha 7793 nafar muxlisni tashkil etadi. Ikkinchi davradagi ko'rsatkichimiz biroz pastroq. Qo'qonda o'tkazilgan sakkizta uchrashuvda – 50 069 nafar tomoshabin tashrif buyurgan. Bu o'rtacha 6258 nafarni tashkil etadi. Aytgancha, butun mavsum davomida xoh o'z maydonimizda bo'lsin, xoh safarda bo'lsin jamoamizni bevosita stadionda qo'llab-quvvatlab kelgan Ilhomjon Qunduzov va Qahramonjon Isroilov boshchiligidagi muxlislar klubi vakillariga o'z minnatdorchiligimizni izhor etamiz. O'ylaymizki, yangi mavsumda ular safi yanada kengayadi. Qo'qon “Markaziy” o'yingohida bo'lib o'tgan uchrashuvlarda tashrif buyurgan tomoshabinlar soni bilan tanishing: Birinchi davra
2- tur
“Qo'qon-1912” – “Paxtakor” 2:2. 7215 nafar tomoshabin 4-tur
“Qo'qon-1912” – “Andijon” 0:0. 8556 nafar tomoshabin 7-tur
“Qo'qon-1912” – “Buxoro” 2:1. 9512 nafar tomoshabin 9-tur
“Qo'qon-1912” – “Sho'rtan” 2:1. 6500 nafar tomoshabin 11-tur
“Qo'qon-1912” – “Navbahor” 0:1. 9208 nafar tomoshabin 13-tur
“Qo'qon-1912” – “Neftchi” 1:2. 7393 nafar tomoshabin 15-tur
“Qo'qon-1912” – “Bunyodkor” 0:1. 6170 nafar tomoshabin Jami: 7 ta uchrashuv 54 554 nafar tomoshabin (o'rtacha 7793). Ikkinchi davra
16-tur
“Qo'qon-1912” – “Dinamo” 3:1. 4499 nafar tomoshabin 18-tur
“Qo'qon-1912” – “Nasaf” 1:3. 6531 nafar tomoshabin 20-tur
“Qo'qon-1912” – “Olmaliq” 0:1. 7573 nafar tomoshabin 21-tur
“Qo'qon-1912” – “Mash'al” 2:1. 6002 nafar tomoshabin 23-tur
“Qo'qon-1912” – “Qizilqum” 1:0. 5511 nafar tomoshabin 25-tur
“Qo'qon-1912” – “Lokomotiv” 2:2. 8103 nafar tomoshabin 27-tur
“Qo'qon-1912” – “Metallurg” 2:1. 7203 nafar tomoshabin 29-tur
“Qo'qon-1912” – “So'g'diyona” 1:3. 4647 nafar tomoshabin Jami: 8 ta uchrashuvda 50 069 nafar tomoshabin (o'rtacha 6 258) Mavsum davomida: 15 ta uchrashuv 104 623 nafar tomoshabin ( o'rtacha 6974 nafar). PFL sayti ma'lumotlari asosida tayyorlandi.
— deya xabar beradi uff.uz nashri.