“Manchester Yunayted” jamoasi so'nggi paytlarda ishonchsiz o'yini bilan o'z muxlislarini ranjitishda davom etmoqda. Kuni kecha "MYu" safarda Premer-liga debyutanti "Bornmut" bilan o'zaro bahs olib bordi va 1:2 hisobida mag'lubiyatga uchradi.  Mazkur muvaffaqiyatsizlik jamoa bosh murabbiyi Lui van Galning o'z lavozimida qolishiga shubhalar tug'dira boshladi.
Lui van Gal boshchiligidagi “MYu” bir necha kun avval Evropa chempionlar ligasi guruh bosqichidan chiqa olmay, Evropa ligasiga ravona bo'ldi. Angliya chempionatida esa “qizil iblislar” 21 noyabrdan buyon g'alaba nima ekanini bilmay kelishmoqda. O'shanda ham “MYu” qiyinchilik bilan, so'nggi daqiqalarda avtogol evaziga “Uotford”ni 2:1 hisobida mag'lubiyatga uchratgandi.
Biz bilgan “MYu”ning shiddatli va hujumkor o'yinlaridan "asar ham" qolmadi. Gol urish u yoqda tursin, jamoa a'zolari darvoza tomon aniq zarba yo'llashni ham unutib qo'yishdi. Grand hisoblangan "MYu", hozirda o'rtamiyona jamoaga aylanib qoldi. Barchasiga esa Lui van Galning tanlagan taktikasi va olib borayotgan falsafasi sababchi. Agar gollandiyalik mutaxassis shu yo'sinda ishlashni davom ettirsa, uning “MYu”da qolishi so'roq ostida qoladi.
Bugungi sahifamizda Lui van Gal jamoani tark etgan taqdirda, uning o'rnini egallashi mumkin bo'lgan mutaxassislar borasida so'z yuritamiz.
Davomi Zohid Akramov blogida.
— deya xabar beradi uff.uz nashri.