Barselona sudi "Barselona" klubi hujumchisi Lionel Messiga tegishli fond o'tkazgan o'rtoqlik o'yinlarida soliqqa oid hech qanday qonunbuzarlik topmadi.
Ushbu ishni ko'rib chiqqan hakam politsiya va guvohlar ko'rsatmalarini o'rganib chiqqach, 2012 va 2013 yillarda Meksika, AQSh, Kolumbiya va Peruda o'tkazilgan o'rtoqlik o'yinlarida soliqqa oid hech qanday firibgarlik yo'qligini bildirgan. Shu bilan birga sud Messiga tegishli fondda hech qanday noqonuniy daromad ham topa olmadi.
O'rtoqlik o'yinlari tashkil etishda ishtirok etgan argentinalik tadbirkor Gilermo Xaver Marin sudda ko'rsatma berib, 1,37 million dollar mablag' qanday yo'nalishda sarflanganini tushuntirib bera olgan. Aynan mana shu mablag' sudga da'vo bilan chiqishda asosiy sabab qilib ko'rsatilgan edi.
— deya xabar beradi uff.uz nashri.