Futbol bo'yicha Singapur milliy chempionati jahondagi eng antiqa va qiziqarli tarixga ega milliy birinchiliklardan sanaladi. Boisi Singapur S-Ligasida nafaqat Singapur, balki Yaponiya, Frantsiya, Malayziya, Xitoy va Bruney kabi mamlakatlarning klublari ham ishtirok etishgan va hamon ishtirok etib kelishadi.  
Keling turli xil futbol uchrashuvlari natijalari-yu, barchaning diqqat-e'tibori markazida turadigan kuchli chempionatlar o'yinlari haqida emas, balki anchagina qiziqarli tarixga ega futbol birinchliklari haqida ham so'z yuritsak. Dastlab Osiyoning o'rtamiyona chempionatlari qatorida e'tirof etiladigan Singapur S-Ligasiga to'xtalib o'tamiz.
Singapurda futbol bo'yicha milliy chempionat o'yinlari Osiyoda birinchilar qatorida o'tkazila boshlangan. 1904 yilda ilk Singapur chempionati bo'lib o'tgan. Yillar davomida bir qator jamoalar mazkur chempionatda qatnashishgan. Ammo Singapur milliy ligasi hech ham qit'ada etakchilar qatoriga kira olmagan. Shuni inobatga olib, Singapur futbol assotsiatsiyasi 1996 yildan boshlab yangicha formatdagi liga tashkil etishga qaror qildi. Shu tariqa hozirgi Singapur S-Ligasi vujudga keldi.  
Yangicha formatdagi chempionatga asos solinishiga asosiy sabab bo'lgan jihatlardan biri Singapurda aholining futbolga qiziqishini orrtirish hamda milliy chempionatning tomoshabopligini oshirish orqali moliyaviy jihatdan ko'proq foyda olish edi. Shu sababli S-Liga formati anchagina qiziqarli qilib tuzildi. Diqqatga sazovor jihati shundaki, unda xorijiy mamlakatlar jamoalarining ham chempionatda qatnashishi mumkin ekani alohida qayd qilingandi.
Davomi Sports.Uz blogida.
— deya xabar beradi uff.uz nashri.