"Standard" klubi sobiq futbolchisi Jan-Mark Bosman Krishtianu Ronaldu va Lionel Messining muvaffaqiyatida o'zining hissasi katta ekanini ta'kidladi. Eslatib o'tamiz, Jan-Mark Bosman 20 yoil muqaddam "Bosman ishi" deb nomlangan mashhur sud ishida yutib chiqqan va Evropadagi klublar hamda futbolchilar o'rtasidagi munosabatni o'zgartirgan edi.
"Agar Krishtianu Ronaldu va Lionel Messi qandaydir muvaffaqiyatga erishayotgan bo'lsa, barchasi mening sharofatim bilan bo'lmoqda.
Ular o'z klublarida Evropaning eng kuchli futbolchilari bilan birga to'p surish huquqiga egalar. Ular bemalol sovrin yutmoqdalar va pul ishlamoqdalar. Klubda bu ishni uddalash imkoni bor.
Terma jamoada esa muvaffaqiyatga bu qadar oson erisha olmayotganlarini ham ko'rib turibmiz", - deydi Bosman.
Eslatib o'tamiz, "Bosman ishi"ga qadar futbolchining shartnomasi muddati tugagach ham ikki yarim yil davomida klub uning uchun tovon puli olish huquqiga ega edi. Natijada o'z klubi bilan shartnoma muddatini uzaytirmagan futbolchi yangi jamoaga o'tishi uchun tovon puli to'lashi lozim bo'lgan. Jan-Mark Bosman shuningdek UEFA bilan ham legionerlar limiti bo'yicha sudlashgan.
— deya xabar beradi uff.uz nashri.