Men bugun - mehnat, izlanish samarasida kelajakda qanday yutuqlarga erishish mumkinligini anglagan ko'zlari chaqnab turgan bolajonlarning o'z qahramoni bilan bo'lgan uchrashuvining guvohi bo'ldim desam mubolag'a bo'lmas...
O'zbek futboli tarbiyalanuvchisi, ayni paytda Rossiya premer ligasining “Ufa” klubida to'p surayotgan mahoratli futbolchimiz Vagiz Galiulin Andijon futbol federatsiyasi va Andijon shahar futbolga ixtisoslashgan maktab-internati taklifi bilan yosh tarbiyalanuvchilar bilan uchrashib “Mahorat darsi” o'tib berdi. Vagiz turli yoshdagi futbolchilar bilan jismoniy va taktik mashg'ulotlar o'tib, kichik taymlardan iborat o'zaro matchlarda maydonga tushdi.
-Bugun yosh futbolchilarni mahoratini ko'rib, to'g'risi hayron qoldim,-deydi Galiulin. -Ularning saviyasi Rossiyadagi tengqurlarinikidan hech kam emas. Nasib qilsa, bu yoshlarimizdan hali kuchli o'yinchilar etishib chiqadi.
Tadbir so'ngida Vagiz Galiulin o'quvchilar tomonidan berilgan savollarga javob berib, turli musobaqalarda faxrli o'rinlarni egallab kelayotgan tarbiyalanuvchilarga sovg'alar topshirdi. Viloyat futbol federatsiyasi vitse-prezidenti Bekzodbek Karimov hamda o'quv dargohi direktori Nasibullo Madrahimovlar mehmonga tashrifi uchun minnatdorchilik bildirdilar.
Davomi Elmurod Ermatov & ALBARS blogida.
— deya xabar beradi uff.uz nashri.