Ispaniya Futbol Federatsiyasi prezidenti Anxel Mariya Vilyar Visente Del Boske shartnomasini uzaytirishdan bosh tortadigan bo'lsa, uning o'rniga boshqa nomzod izlamoqda. 64 yoshli mutaxassisning federatsiya bilan shartnomasi kelsa yozga qadar amal qiladi, ammo Del Boskening o'zi hamkorlikni davom ettirishni istamayapti. Bu haqida AS nashri xabar tarqatdi. Nashrning ma'lumotiga ko'ra, Vilyar Ispaniya Evropa chempionatida g'alaba qozonsa, Del Boske o'z fikridan qaytib, shartnomani JCh-2018ga qadar uzaytirishga umid qilmoqda. Agarda mutaxassis qarorini o'zgartirmasa, Vilyar milliy terma jamoa boshqaruviga Unai Emerini taklif qilishga urinib ko'radi. Uning “Sevilya” bilan bitimi 2017 yilning yoziga qadar mo'ljallangan.
— deya xabar beradi uff.uz nashri.